معزور لو قلبي اشتهاك

معذور لو قلبي اشتهاك ما إنت عارف
***فرقتك ما بيحملا القلب الهواك
ده مناه يوم ما نفترق يا ريتو كان يفضل معاك
لو بي مرادو يقوم يجيك تلقاه بين ايديك حداك
***متمني يلحق بيك سريع نتلاقي والاشواق هناك
جاييك هارب من سنين جاييك واقع في حواك
***غلبو النواح يوم فرقتك بالدهشة خانس إتعبر
ما بين نوازع الروح إليك هايم وبين حكم القدر
***ما اتزعزع الإيمان جواه ولكنو في الآخر بشر
قايل عليك شدة وتزول ما قايلك إنت علي سفر
***ما كان هو فاهم يومو داك ايه ضحكت البرق اللصف
ولا كان هو شايف للهموم الجايه واقفات ليهو صف
***ولا كان هو حاسس بالغرام الباني في الغيم اتنسف
لقي نفسو فجأة بلا وجيع مفجوع ومفقوع بالأسف
***يا ريتو كان وقف الزمان قبال تروح صدّ ورجع
ما كان غشانا الحزن يوم لا فرقه بيناتنا بتقع
***كان لا رثيتك لا بكيت لا قلبي فيك يوم إتفجع
وما كان قدر ذكراك صبح يومها التزور مره ورجع

كلمات اكتر من رائعه
تسلم اخ ود الشمال
ولك مني التحيه والتقدي

ر

تسلم على الكلمات وانا بموووت في حاجه اسمها ود النصري

يسلموا ايديك يا غالي

تسلمو علي المرو ر الجميل

شنو مافي تحميل انا فعلا دايراها

كلمات قمة في الروعه والاناقه والشفافيه
مشكور جدا وياريت اذا انزلتها لحنا
اكيد تكتمل روعة الكلمة المنظومه
احترامي لك وسلمتا من كل شر
ظبيــــــــــــــة