.:: إعلانات النيل الازرق ::.


 
 
العودة   منتديات النيل الازرق السودانية > اقسام الاغاني والفيديو > منتدى كلمات الاغاني
التسجيل YouTube التعليمـــات التقويم اجعل كافة الأقسام مقروءة
أهلا وسهلا بك إلى منتديات النيل الازرق السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

 
 

الملاحظات

منتدى كلمات الاغاني يختص بجميع كلمات الاغاني السودانية والعربية والغربية

الإهداءات

إضافة رد
 
أدوات الموضوع انواع عرض الموضوع
قديم 03-05-2007, 02:45 AM   #11
 

 
الصورة الرمزية sudani
 



sudani غير متصل
 
افتراضي

سليم الذوق/
ابراهيم الرشيد

يا سليم الذوق لو تعرف الشوق
ابقى انزل يوم من علاك الفوق
شوف عمايل الحب في الحشا المحروق

انا كالأنسام لم تهدا تروق
وان كالأضواء بعد كل شروق
لو بتذكرنا كنا نحنا ندوق
للسعادة طعم في رضا المعشوق

انحنا حلفناك بالغرام والريد
بي صفا الأحلام في عيون الغيد
وبالقليب الضاق لذة التسهيد
ابقى زاورنا حتى يوم العيد

ياأمل بسام دابو هال جديد
تخلي شوقنا الضال في ثواني يزيد
بعتاب صامت يشبه التغريد
نبقى نار في نارو لي لهيبا نزيد

















التوقيع

الرسالة الذاتية انا حاليا غير موجود وشكرا

عرض البوم صور sudani   رد مع اقتباس
قديم 03-05-2007, 02:46 AM   #12
 

 
الصورة الرمزية sudani
 



sudani غير متصل
 
افتراضي

يافارسنا وياحارسنا

محدوب شريف

يا فارسنا وحارسنا
يا بيتنا ومدارسنا
كنا زمن نفتش ليك
وجيتنا الليلة كايسنا
يا حارسنا

حبابك ما غريب الدار
وماك لي حقنا الودار
كنا زمن نفتش ليك
وجيتنا الليلة كايسنا
يا حارسنا

جيتنا وفيك ملامحنا
بعد يا مايو ما يئسنا
بنرجع ليك توصينا
بنسمع ليك تحدثنا

بيك يا مايو
يا سيف الفدا المسلول
نشق أعدانا
عرض وطول
حلفنا نقيف ونتحزم
نشد الساعد المفتول
عشان نبدي اشتراكية
ونرفع راية هم خلوها
فوق السارية متكية
دقت ساعة كانت نجمة
في أعماقنا منسية
كنا زمن نفتش ليك
وجيتنا الليلة كايسنا
يا حارسنا


هذه الأغنية التي ندم وردي على غناءها لأنها ارتبطت بمايو كما ندم على كتابتها الشاعر محجوب شريف

















التوقيع

الرسالة الذاتية انا حاليا غير موجود وشكرا

عرض البوم صور sudani   رد مع اقتباس
قديم 03-05-2007, 02:47 AM   #13
 

 
الصورة الرمزية sudani
 



sudani غير متصل
 
افتراضي

تاجوج

محمد عثمان كجراى

قليبي المنو اصلو شقاي ريدي
يزيد الهم علي يسفح وريدي
يعشق بالألم نبرة قصيدي
دي تاجوج متلقت يا خملة زيدي

تمر المحنة زي ضل السحابة
حروف اسمك نغم يسقي الغلابة
حروف اسمك بشارة خير حبابة
حروف اسمك حليفة وغنا الصبابة

مع الأيام يزيد حسنك نضارة
عشان عينيك تخضر الصحارى
بوصف ليكي ألحان العذارى
نعيش باقي العمر في الريد سكارى

نخوض بحر الهموم نبحر نعدي
نقابل بالثبات موج التحدي
سنين العمر تاخد وما بتدي
ودربك لشاطي النور يودي

















التوقيع

الرسالة الذاتية انا حاليا غير موجود وشكرا

عرض البوم صور sudani   رد مع اقتباس
قديم 03-05-2007, 02:48 AM   #14
 

 
الصورة الرمزية sudani
 



sudani غير متصل
 
افتراضي

طفل العالم الثالث

طفل العالم الثالث

انا طفل الإعانات أنا جيل المعاناة
ويومي...ماله بعد وعمري ...ماله وعد
فكيف ترونها تبدو
***************
***************
وارضع من شكاياتي
خيام الريح ابياتي
واحجاري اثاثاتي
ارود الرمل لا ابني به بيتا لاحلامي
ولكني افتش عن قتاتات الإغاثات
فصوغوا وقع موسيقاكم المحزون
من رجع استغاثاتي
فقرض الخيز....... قرص الشمس
ينأي عن حشاشاتي
وراء سرابه المؤود لهفاتي ولهثاتي
فمن جوع الي سقم ومن سقم الي جهل
تداول دورة الإيام
نقماتي ومأساتي
وهذا القحط لم يترك
سوي حزمات عيدان
أخبئ نأيها من عنزتي العجفاء
في أسمال ارداني
فأنفث فيه اشجاني
لكي اجتر نفثاتي
أطفلا بت أم كهلا
فعمري شق من
عمر المقاساة ومأساتي
فلا لغو ولا لهو
و لا ركب و لا ارض
ولا جمع لاشتات
وتسرق بغته الآهوال
أفراحي .... براءتي
أديروا آلة التصوير
في أنحاء مأساتي
تروا آثار مسبغتي
وتذكارات متربتي
وتعجزكم مؤساتي

















التوقيع

الرسالة الذاتية انا حاليا غير موجود وشكرا

عرض البوم صور sudani   رد مع اقتباس
قديم 03-05-2007, 02:49 AM   #15
 

 
الصورة الرمزية sudani
 



sudani غير متصل
 
افتراضي

ياسلام منك انا اه

اسماعيل حسن

يا سلام منك أنا آه
يا سلام ..ياسلام
العيون فيها سهام
والكلام فيهو كلام
في حديثك
في ابتسامتك
زينة يا أحلى غرام

لديارك جيت يا روحي ليك أزور
ومن كلام الناس والله قد ضاع السرور
في إيدية
ليك هدية
سامحيني
واعذريني
واقبليها يا بدور

العواذل قالو ليك
قالو إيه
قالو بحب
والله إنتي وبس
إنتي في قلب المحب
هددوني
ألموني
عذبوني
بدلوني الفرحة نار وهيام يوم الغرام

إنتي لونك
وإنتي طبعك
هادي ما فيهو البشين
تشبهي الفل في الجناين
حتى عطرك ياسمين
ربي يعلم
كم قلبي مغرم
إنت ترحم
بين ضلوعي النار تقيد
دا حرام والله حرام

















التوقيع

الرسالة الذاتية انا حاليا غير موجود وشكرا

عرض البوم صور sudani   رد مع اقتباس
قديم 03-05-2007, 03:08 AM   #16
 

 
الصورة الرمزية sudani
 



sudani غير متصل
 
افتراضي

لو بالصد ابيتينى

اسماعيل حسن

لو بالصد أبيتيني
ولو بالنار صليتيني
أنا لا ...
ما بنساك

لو حاولت تهجرني
أو تنساني من تاني
ترجع يوم تجد حبك
بدد شكي وأحزاني
بدل همي في الدنيا
وعاد بالفرحة ألحاني
أنا لا..
ما بنساك

لو تعرفني إني أمين
أنا ريدك براعيهُ
قلبي الراجي ليك سنين
ما ممكن تجازيهُ
أكان راجيك وبيتألم
وكيف إن كنت ناسيهُ
أنا لا ..
ما بنساك

لو بس شفت آهاتو
ما كل يوم بتتبسم
لو تابعت دقاتو
ما بتقدر براك تحلم
لو حسيت بأناتو
وطول أيامو بيتظلم
كنت رجعت صافيت
ونسيتو الدموع والهم
أنا لا ..
ما بنساك

مهما جُرت صديتني
بدون أسباب وبكيتني
على درب الهوى والشوق
براي يا ناس خليتني
أداري دموعي من الناس
وأقول يا ريتني يا ريتني
نعود من تاني نتلاقي
وآه لو مرة صافيتني
أنا لا ..
ما بنساك

















التوقيع

الرسالة الذاتية انا حاليا غير موجود وشكرا

عرض البوم صور sudani   رد مع اقتباس
قديم 03-05-2007, 03:09 AM   #17
 

 
الصورة الرمزية sudani
 



sudani غير متصل
 
افتراضي

يلا وتعال يلا

اسحق الحلنقى

يلا وتعال يلا
نهاجر في بلاد الله
ننسى الناس ينسونا
والله ننسى الناس ينسونا
وفوقنا الطيبة تتدلا

نعيش زي الطيور ماتعيش
وتفرد لجناها الريش
تضمنا عشة الريدة
ويفوت فوقنا الغمام تعريش

نفوت من سكة رواحة
ونتوه من واحة لواحة
شتيلة ريدنا يا حنين
يضون بهجة في الساحة
حلاوة الدنيا تلقاها
تجينا سحابة شايلاها
دروبنا تلم وريدنا يتم
وانت تقولي يا آهة

ونرتاح من كلام قالو
ومن عينو دمعتين سالو
آثار الهم نطويهو
نخلي الفرح بدالو

يلا وتعال يلا
نهاجر في بلاد الله
ننسى الناس ينسونا
والله ننسى الناس ينسونا
وفوقنا الطيبة تتدلا

















التوقيع

الرسالة الذاتية انا حاليا غير موجود وشكرا

عرض البوم صور sudani   رد مع اقتباس
قديم 03-05-2007, 03:09 AM   #18
 

 
الصورة الرمزية sudani
 



sudani غير متصل
 
افتراضي

الحبيب قلبو طيب

الجيلى محمد صالح

الحبيب قلبو طيب
العواذل ضللو
يا حبايب اسألو
لو تناساني وتبدل
بغرامي ذكرو

أسألوهو ليه نساني
حتى من كلمة ملام
ليه يخاصمني وعيونو
كلموني بالغرام
خبروهو باشتياقي
لو يحن ينسى الخصام
بعيونو حلفو
لم يحلف صدقو
انا عارف قلبو طيب
العواذل ضللو

أسألوهو ليه يخاصم
والسعادة بين ايدينا
ذكروه بالليالي الأولى
أيام التقينا
كلموهو قولو ليهو
في غيابو كم شقينا
بحياتو حلفو
لم يحلف صدقو
انا عارف قلبو طيب
العواذل ضللو


















التوقيع

الرسالة الذاتية انا حاليا غير موجود وشكرا

عرض البوم صور sudani   رد مع اقتباس
قديم 03-05-2007, 03:10 AM   #19
 

 
الصورة الرمزية sudani
 



sudani غير متصل
 
افتراضي

ياطير ياطير
اسماعيل حسن

يا طير يا طاير من بعيد فوق الغمام
من ربوعي أحمل الشوق يا حمام

انشالله تمشي وتشمي يا طير لي تعود
لي حبيبي تحمل الحب والورود
احكي عني وقلو يا طير هل يعود
من فؤادي ليهو ليك ألفين سلام

يا طير يا طير خوفي بس تنسى الكلام
يوم تشوفو هالّي زي بدر التمام
في جبينو نور يشع يضوي الظلام
في عيونو يرقد الشوق والغرام
حِبِّي عارف إنو في صمتك كلام

ياطير يا طاير لي حبيب زي اليمام
هادي طبعو زي صغير قبل الفطام
ديمة ضاحك ثغره يعلوه ابتسام
من فؤادي ليهو ليك ألفين سلام


















التوقيع

الرسالة الذاتية انا حاليا غير موجود وشكرا

عرض البوم صور sudani   رد مع اقتباس
قديم 03-05-2007, 03:11 AM   #20
 

 
الصورة الرمزية sudani
 



sudani غير متصل
 
افتراضي

ياناسينا

حسن عبد الوهاب

حبيبي الدنيا دي الفراقة
والله الدنيا دي الفراقة
المشتاق مع المشتاقة
يا الله تاني وين نتلاقى
يا ناسينا يا مجافينا حن علينا

حبيب مشتاق اشوف عينيك
وشعرك موج على خديك
هناي في بسمتك ..في وقفتك.. في مشيك
بالغالي العزيز أفديك
يا ناسينا يا مجافينا حن علينا

عارف قلبو ما بنساني
عزاي في الدنيا بس يطراني
تجي للعذول الجاني
فرق بينا ليه يا زماني
يا ناسينا يا مجافينا حن علينا

كل ما أميل أجد ذكراه
بين الروض عرفت شذاه
في دنيا الغرام أهواه
كن نسايني ما بنساه
يا ناسينا يا مجافينا حن علينا

الجو قلبي احتلاه
صبحي مساي دوام اطراه
فارق دربي ما هماه
يا الله تاني وين القاه
يا ناسينا يا مجافينا حن علينا

بفرش ليك قلبي وسادة
وازقيك من غرامي سعادة
لو عاد الحنين يالسادة
أقضي عمري فيك عبادة
يا ناسينا يا مجافينا حن علينا


















التوقيع

الرسالة الذاتية انا حاليا غير موجود وشكرا

عرض البوم صور sudani   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

 
 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
 
الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كلمات اغاني لي الفنان محمد وردي ود جبرا منتدى كلمات الاغاني 10 06-06-2013 07:10 PM
كلمات اغنيات للوطن للفنان محمد وردي ميدو منتدى كلمات الاغاني 4 16-01-2013 11:07 AM
كلمات اغانى محمد الامين وصلاوى منتدى كلمات الاغاني 39 08-03-2012 03:03 PM
كلمات اغانى الراحل عبد العزيز محمد داؤود ملكة القلوب منتدى كلمات الاغاني 2 06-03-2012 01:35 PM
كلمات اغانى الحقيبة محمد بشير عتيق وصلاوى منتدى كلمات الاغاني 21 04-01-2009 09:18 PM


Loading...


Powered by vBulletin® , Copyright ©2000 - 2014, Jelsoft Enterprises Ltd. TranZ By Almuhajir
Tynt Script Added by Leicester Forum
Protected by CBACK.de CrackerTracker

Security team