كلمات اغاني الشايقية

اسباب اسايا وسر بكايا
محمد جبارة

اسباب اساي وسر بكاي العيد يمر
للناس فرح ولى ترح من حالى كر
الناس تقوم تمرق تحوم قبل الفجر
بين هاش وباش انا دمعي راش لازم الصبر
الطير نضم رش النغم فوق التمر
شوف يا رفيق كم بي ضيق العيد فقر
شيشك بشيش لو لى ريش كت ليك زر
كنتا عاد بجيك واتهنا بيك طول العمر
انا حالى حالى ما في بال مشغول كتر
بي زول نجع لى ما رجع من كم تشر
جوفي اتحرق انا ما مرق حدى العصر
لى مافي زول يهدي ويقول ياخد الأجر
زولى الحنين القالو وين عاد العذر
خلاني تب اه ما كتب لي فد سطر
انا ما بلوم لو جيتني يوم فوقى النذر
قبال اموت والروح تفوت وامشي القبر
وسط السحاب اتلاشي غاب ضى البدر
سود على دنياي حى عز الضهر
مبروك عليك العيد يجيك في حال يسر
يلقاك معاي في بيت هناى الليك در

.

كيفن بقوم انا جيت متين
محمد جبارة

يا خلى آه قولى دحين
كيفن بقوم انا جيت متين
جيت من هناك والشوق دفين
شايلوا وكتمتو كم سنين
داسو واخافلو انا لا يبين
يفضحني دمع المايقين
بس من وصل بلدي الأمين
جيت كان تشوف صار حالى زين
سالمتا ناسى الطيبين
ريدهم صبح فوق قلبي دين
لليلي ما عديت زمين
يرمي الزمن حكمو اللعين
في الشوفه ما شبعتا عين
خبر السفر آه جاني شين
لو شفتو حال قلبي الحزين
وآ شوقي لى زولي الحنين
لو عشتو لحظة مع الأنين
كان ما بتلومو حلف يمين
ما عقلي صار ما بين وبين
في ضرا وقعاد انا فيك انين
بس مره بي المي استهين
انا لي الهموم ما بستكين
يغلبني صبري ولي يهين
كوم صبري فضل فيهو هين
ما خلاص بقينا مودعين
إن شاءالله من العائدين.

الصراحة اغانيك روووووووووعة