جمــــــــيع كلمــــــــات اغــــــانى المرحوم مصطـــفى ســــــــيد احمد - منتديات النيل الازرق السودانية
  التسجيل YouTube   التعليمـــات   [فواصل نيلية]   اجعل كافة الأقسام مقروءة
.:: إعلانات النيل الازرق ::.


العودة   منتديات النيل الازرق السودانية > اقسام الاغاني والفيديو > منتدى كلمات الاغاني

منتدى كلمات الاغاني يختص بجميع كلمات الاغاني السودانية والعربية والغربية

الإهداءات

إضافة رد
 
أدوات الموضوع انواع عرض الموضوع
قديم 21-10-2012, 07:45 PM   #1



الصورة الرمزية ملكة القلوب
ملكة القلوب غير متصل

بيانات اضافيه [ + ]
 رقم العضوية : 8082
 تاريخ التسجيل :  Aug 2010
 أخر زيارة : 20-10-2014 (08:12 AM)
 المشاركات : 4,680 [ + ]
 التقييم :  16
 معدل التقييم : ملكة القلوب علي طريق الابداع
 الدولهـ
Qatar
 الجنس ~
Female
 SMS ~
تحياتي كلام طفلين يلمو فوق الطين كلام عنوانو مشتاقين
وضحكة زول عسل زيك لطيف وحنين
 اوسمتي
وسـام الحضـور المميـز 
لوني المفضل : Crimson
افتراضي جمــــــــيع كلمــــــــات اغــــــانى المرحوم مصطـــفى ســــــــيد احمد



أطل كسحابة عابرة ابتل بشحيح مائها سطح الأرض، وما يزال باطنها يتوق اليها، رحل كضوء البرق، لم تكد تراه الأعين بوضوح فذهب والجميع في دهشة، وترك أبواب الشجن الاليم مشرعة تعانق الحزن النبيل.
انه الإنسان الراحل المقيم الاستاذ، والفنان المبدع مصطفى سيد احمد المقبول مختار محمد الامين سلفاب، ذلك الفتى المسكون بالابداع، خرج من رحم هذه الارض، والتي إنتمى اليها روحاً وفكراً ومعنى وقضية، حمل هموم اهلها البسطاء وعبر عنهم بأغنياته الصادقة دون زيف وتكلف، (غنى للوطن الحبيبة والحبيبة الوطن)، احب الناس بصدق وبادلوه الوفاء.
ويكفي ماقاله في حق الشعب السوداني عندما سئل ذات مره عن شئ ليقله لعشاقه أثناء رحلة علاجه، بأن يخلد ذكرته العطره فينا الى الابد، و قال( اذا لم أعد من هذه الرحلة عليكم ان تخبروا زوجتي وصغاري وأصدقائي وكل الشعب السوداني، اني عشت فخوراً بهم وكذلك مت فخوراً بهم ).
نعم لم يكن رحيل الفنان مصطفى سيداحمد، عن حياتنا مثل رحيل اي شخص عادي، بل كان لرحيله معنى وطعم مختلفين تماماً، فقد علمنا كيف نتأمل معنى الحضورالبهي في زمن الغياب، وكيف نتذوق طعم الرحيل المر باحساس مختلف .
مصطفى كان ومازال وسيظل حاضراً فينا، بروحه النقية، ومشروعه الانساني الأخضر، وغناهوالطاعم، نعم يامصطفى، مازلت تعلمنا كل عام معنى الحضور، ومازلنا نغني ونغني ونغني، ونردد كل عام مع صديقك الوفي أزهري محمد علي
كل البيوت إتشرفت لي طلعتك
والونسة ماكملت معاك
والقرقراب والقهقهة
مين سمي ترحالك غياب
والغيبة بتزيدك بهاء
يا أقصى حالات الحضور
المنتهي ..يا مشتهي.

محمد جادين

سيرة الراحل..

اسمه مصطفى سيد أحمد المقبول مختار عمر الأمين سلفاب من قرية ود سلفاب، بولاية الجزيرة ولد في العام 1953 م.
قدم جده الأمين سلفاب من شمال السودان ، منطقة الشايقية واستقر جنوب غرب مدينة الحصاحيصا على بعد (7) كيلومتر منها.
كان مزارعا بالفطره ومحباً للزراعة، وله إرتباط قوي بالارض.
درس الأولية والمتوسطة في «المدارس الصناعية» وكان مبرزاً، و جاء ثانى السودان على مستوى الشهاده الفنية لكنه لم يواصل في المدارس الفنية، والتحق بمدرسة «بورتسودان الثانوية» ومنها لمعهد إعداد المعلمين بأم درمان، حيث تخرج فيه وأصبح مدرساً بالمدارس الثانوية العامة.
إلى جانب ما اشتهر عنه من ممارسته لهواية الغناء ، أيام دراسته بمدينة بورتسودان ، كان موهوباً فى مجال الشعر، والرسم وفنون التشكيل، وعندما لم يسمح له اثناء عمله بالتدريس بالإلتحاق بمعهد الموسيقى والمسرح قدم إستقالته وعمل فترة قصيره مصمماً للأقمشة بمصنع النسيج ببحري.
إلتحق بمعهد الموسيقى والمسرح وأكمل خمس سنوات بقسم ا لموسيقى « قسم الصوت « إلاّ أنه لم ينتظر حتى ينال شهادته الأكاديمية
متزوج وله طفلان «سامر وسيد أحمد» له من الأخوات سبع وشقيق توفى عام 1970 اسمه المقبول وهو شاعر غنى له مصطفى (السمحة قالوا مرحلا).
عانى من داء الفشل الكلوي والذي إستمرمعه لـ(15) عاماً، أجريت له عملية لزراعة الكلى بروسيا في أواخر الثمانينيات إلا أنه تعرض لإنتكاسة جديده بداية عام 1993 بالقاهره، وإنتقل منها للعلاج بالدوحة، حيث ظل هناك يباشر عملية الغسيل الكلوي ثلاث مرات في الاسبوع الى أن توفاه الله مساء الاربعاء 17 يناير 1996 م.

شعراء مصطفي

غنى مصطفى لعدد كبير من الشعراء، ولون الدنيا ابداعاً وفناً بكلماتهم الانيقة ومفرداتهم الحديثة والتي لم تكن مألوفه للكثيرين في وقتها ولكن بصبره وإيمانه بقضيته، وفنه ومشروعه الإنساني اجبر الناس للدخول الى (مشروع الحلم الفسيح) وحفر اسمه في دفتر الحضور متحدياً أزمان الغياب، وغنى لمحمد الحسن سالم حميد، ومحمد طه القدال، وازهري محمد علي، وصلاح حاج سعيد، ومحجوب الحاج، ومدني النخلي، وجمال حسن سعيد، ومحمد مريخا، ويحى فضل الله، وخطاب حسن احمد، وعبد العزيز العميري، ونجاة عثمان، وعبد الرحيم ابوذكرى، وعبد العال السيد، وابو ذر الغفاري، وعاطف خيري، ومظفر النواب، وتاج السر الطيب،وهاشم صديق، وبشرى الفاضل، وعمر الطيب الدوش، وعبدالقادر الكتيابي، والفرجوني، واخيه المقبول، وفيصل محمد صالح،وحسن بيومي، والصادق المرضي، وآخرين.










أديني إحساس بالأمل
كلمات الشاعر مدني يوسف النخلي

أدينى إحساس بالأمل
فى كل رحلة شوق .. تطول
وأدى الخطاوى الراجعة ليك
فى سكتك عشم الوصول
ما الدنيا كلها إنتظار
والإرتحال قدر الفصول
الموجة تحلم بالضفاف
والغيمة تحلم بالهطول
********
جايى ومعاى ضى الأمانى
وذكرى للأيام .. هناك
لحظات بتذخر بالأمانى
وكيف أنسى تذكارات هواك
نتحمل الغربة .. ونعانى
ونصبر عشان نكسب رضاك
ونغنى لو زاد الحنين
ياريتو كان سفراً .. معاك

&&&&&&&&&&&&&&&

أبداكي من وين
الشاعر أزهري محمد علي


أبداكى من وين ..
وفينى منك لسة حاجات
من مخاوف ومن شجن
أبداكى من وين .. وظنى إنك
فكرة إعلان الحياة الحياة
وإنتهاءات العوارض والمحن
نفسى ألقاكى وأكون
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن
..........
أبداكى منى .. ولاّ منِّك
أبتديكى محل .. محل
من ياتو منفذ أدخلك
وكل المنافذ فيكى سدّاها النحل
من ياتو شارع أوصلك
وكل الدروب معطونة لى آخر الوحل
.. أستبيح كل الحواجز .. وأدخلك
من كلامك بدخلك
من بين مسامك بدخلك
من أى قاسم مشترك
وشبهة تشابه .. ادخلك
ونتلاقى نهرين من تسامى .. وإشتها
وأبداكى من حيث أنتهت عندك خواتم الإنتها
أبداكى .. وأخلع خيام عمرى المضى
وألقاكى مبسوطة اليدين
مفتوحة أبواب الرضا
أبداكى من لحظة أنستِكْ نار
وأخدت من قبسك .. هُدى
وأنا ضُمـّة زاهد
فى الدروب الما بتجيك
.. ولا بترجِّع ليا من تالاك صدى
أبداكى من وين ؟ ..

&&&&&&&&&&&&

استلاب
الشاعر يحي فضل الله


خبرينى
والمساء الشاحب الخطوات يحترف التعب
ورحيل أغنيةٍ توشوشُ فى خبايا الإنتظار
تضيع منى
كى تجاذب كل أطراف الزمان
أهدهد الكلمات
لا أقوى على شىءٍ من الذكرى
وهذا العقلُ متعب

رجوعُ الدرب .. لا يفضى إليك
ولا إلى اللغةِ الصريحة
كى أحدد ما تبقى من رحيقك
فى مسام الروح .. والجسد إشتعالاً
وهذا النبض .. أتعب

وتلك الخطوة إبتعدت عن الصحو
المكمِّل للحقيقة
أغلقت بالخبث أبواب الوضوح
زيفت صوت المغنى
عهرت لغة النشيد
ضيعت حلم الصبايا .. فى طوابير الرغيف
غيبت حلم الطفولة
أنهكت حزن الشيوخ
همشت منك .. القضايا
فى إحتمالك للتواصل
والمرابون إستباحوا هذه الأرض الحلوب

فيا جميلة .. خبرينى
كيف بددنا الكذوب
ثم إنّا لم نعد ندرى بأنا
مذ حملناكِ .. جنينا
قد نسينا أن نضع فيه الملامح
لو سـُئلنا كيف ضيعنا إنبهارك بالخصوبة
وأرتضينا أن نسلم للعساكر
من ثمارك ما يطيب
&&&&&&&&&&&&

أسئلة ليست للإجابة
الشاعر يحي فضل الله


ما معنى أن نحيا .. ولا ندرى
بأن العشق قد يبقى سجيناً فى الخلايا
ما معنى أن نشهد موات الأغنيات
ما معنى هذا الصمت الذى لا ينتهى
وبرغم حوجتنا الصراخ
***********
هل يختفى الظل الذى لا ينتمى
إلا لمعرفتى وجهلى
وهل نودع بعضنا ونذهب فى سراب الذكريات
كيف تبدو الذكريات
كيف يبدو طعم أيام الشجن
من يعلم ذكريات كل أشكال التداعى ..
والرحيل المر دوماً
حين يختلط المدى بالمآسى .. والمخاوف
وأحتضار الأمنيات
*********
تعِبٌ هو البرق الذى لا يضيءُ أقبية الخبايا
لا ينتمى للسحبِ ..
والعشبُ الذى لا يرتوى
إلاّ بطعمك يا عصيراً من خليط الدهشةِ الأولى
وأحتراق الأغنيات
&&&&&&&&&&&&&&
أظنك عرفتي
الشاعر جمال حسن سعيد


أظنك عرفتى
عواصفك مهبـّى
أبارى فى خيالك .. يسوقنى ويودّى
ونهرك يعدى
ويجهل مصبّى
هواجسى البتزرع
وظنـّى البيربى
****
لقيتك خواطر
بتصحى .. وتساور
وطيفك يزاور
وروحك تحاور
تجيبنى فى زمانك
موشـّح أساور
أقول بس نسيتك
وجرحك .. يتاوِر
*****
أظنك عرفتى عذاب المغنى
وطبلو المجدّع
شظايا التمنى
حروفو البتجزع
فى لحظة تجنى
خطاهو البتهرع
متين تطمئنى
****
مسرِّج خيالك .. حصانى القبيل
معربد غبارو
وخلّى الصهيل
مسافر .. مسافر .. وفاقِد دليل
أظنـِّك عرفتى ..
هموم الرحيل
&&&&&&&&&&

الشجن الأليم
صلاح حاج سعيد


عارفنى منك
لا المسافة ولا الخيال يشغلنى منك
عارفنى
*********
ببقى بعدك فى الأسى
وتبقى إنت الظالم .. القاسى .. النـِّسى
وغصب عنى أشيل ظنونى
وأقول عليك .. إنت المسامح
فوق شجونى
أعيش زمان بالفرقة جارح
وفى إحتمالى وبالى إنـّكْ
إنت سايق فينى ظنك
**********
تحرمنى منك
والمواعيد لا بتشيل منـّك .. تودِّى
لا الشجن قادر قادر يسوقنى عليك
.. أعدِّى
لا التحايا ولا المشاعر الحيـّة
فى عمق الحنايا
لا رسالة تجينى منـّك
لا خبر طمنـِّى عنك
وإنت سايق فينى ظنك
رغم إنك .. إنت عارف
إنـّو منك .. لا الزمن يقدر يحول قلبى عنك
لا المسافة ولا الخيال يشغلنى منك
********
يا هوى الألم النعيم
خليك على الوعد القديم
وخلينى فى الشجن الأليم
وأبقى فى كل المداين
سكتى .. وسفرى الجحيم
تبقى أيه الدني من بعدك .. تكون
وأبقى أيه بعدك .. أكون؟
عارفنى منك ...
&&&&&&&&&&&

ألقاكي وين
قاسم أبوزيد




ألقاك وين ..
كان الفرح قفل مسامات الضياع
غناك مزمار الزمن إرشيف عشق ..
أصوات نغم وتر التراخى موشحات ..
القاك وين ..
من غبت.. ما شرقت شمس
والدهشة ساساق الدروب ..
لي وين تمش...
نار النضال لو تنهبش ..
توقد سنون .. المتعبين
تعقد زفاف آخر ضمير ..
إتباع مقنن بالقرش
ألقاك وين ..
كان التعب ما خت أيدو على جبين تربال
.. يخم رمل الشقا .. المليان غلب ..
دقست قوافلو مع السراب ..
رابط جليد الهم سعن ..
محزوم خشيمو من الصبر..
راجي السحاب ..
نلقاك وين ..
أنا وإنت والنيل والأرض
والبور مشتت متنسى ..
نجامة التعب الكعب ..
ما كان عول ..
ريدى الصبح صفصاف هدير
البر ..
أيامي توب شحاد .. هذاه خم و خم ..
أنا ما لقيتك ليه.. طعم الفراق دم دم ..
ختيتى فوقى الليل .. والليل سقاني السم
أنا خاطري في المطرة ..
ريحة الدعاش
والشم
&&&&&&&&&&

المسافة
صلاح حاج سعيد


لسـّة بيناتنا المسافة .. والعيون ..
واللهفة والخوف .. والسكوت
ورنة الحزن البخافا
تعدّى بى الفرحة ... وتفوت
وأمشى بى الحسرة .. وأموت
*********
الأماني الفى سفر
قبل الزمن .. كايسة المواني
يوم تجيبني عليك .. بصدّق
إنو مرة الحظ طراني
واحتواني معاك شجن .. عذبني قبلك
ولسـّة منك .. جايى تانى
تمشى وين الخطوة عنك
ما الزمن بى الحب بلاكا .. وابتلاني
************
لي عيونك يا مداين الفرحة والحب .. والجسارة
عندي ليك مليون بشارة
وألف خير ... والكلمة شارة
وإنتي لمـّا الحب يهـوّم بى عيوني
وفى عيونك يشقى حائر .. بالأمارة
الفرح منك .. واليك
ويعترينى الخوف عليك
خطوة منك .. خطوة ليك
راجي منك بس إشارة
وكلمة تديني البشارة
ولاّ بيناتنا المسافة ؟
&&&&&&&&&&
مع الطيور
حافظ عباس


والله نحنّ مع الطيور..
الما بتعرف ليها خرطة
ولا فى إيدا جواز سفر
نمشى فى كل المدائن
نبنى عشنا بالغناوى
.. وننثر الأفراح .. درر
والربيع يسكن جوارنا
والسنابل تملا دارنا
والرياحين .. والمطر
*********
والحبيبة تغنى لينا
لا هموم تسكن دروبنا
.. ولا يلاقينا الخطر
*********
إلاّ باكر يا حليوة
لمـّا أولادنا السمر
يبقوا أفراحنا البنمسح بيها .. أحزان الزمن
نمشى فى كل الدروب الواسعة .. ديك
والرواكيب الصغيرة .. تبقى أكبر من مدن
إيدى فى إيدك نغنى
والله نحنّ .. مع الطيور
الما بتعرف ليها خرطة
ولا فى إيدا جواز سفر
&&&&&&&&&&&
شعر المعطار
عثمان مالك


إذا عادت بنا الأيام للماضي
كتبت على ثوانى العمر شعرا
لا يدانيه ..
غناء الطير وهمس الماء ..
ووشوشة الضياء فيه
إذا عادت بى الأيام يوما
أيها الأحباب
ولو فى زورق يمضى
على الصحراء عبر سراب
أنا ملاحه الفرحان ..
يطرق مغلق الأبواب
أدق .. ليس يعنيني
لأنى قادم من حاضر اللحظات للماضي
وبى شوق سيشعل صمت هذا الزورق الهادئ
فيدفعه إلى الوادى ..
إلى أفق أنيق النجم صداح البساتين
وأشدو حين تأتيني ..
فتاة لدغة العصفور أنفاس الرياحين
بكفيها ولى فى عمق هدبيها ..
حكايات وأشعار
ولى فى شعرها المعطار .. أخبار
أذا سالت على وديانها الخضراء أمطار
إذا عادت بنا الأيام للماضي
كتبت على ثوانى العمر شعرا
لا يدانيه ..
غناء الطير و همس الماء ..
ووشوشة الضياء في
ركبت زوارقي فيه أبحرت
في شعر لها مجدول
جعلت مشاعري جندول
&&&&&&&&&&&

أخوان الإنسانية
يحيى فضل الله


مابين زمناً متمنيهو
وزمناً منك .. زادنى أسيـّة
طفت الدنيا عشان .. أنساكِ
وأنسى الحزن الطارد .. ليـّا
كان البحر الما خـلاّنى .. أعيش فرّادى
كانوا أخوان فى الإنسانية
قعدت معاهم .. وإتفاكرنا
كم لفـّينا .. وكم سافرنا
وكم مازحنا ليالى الصيف
كم غنينا لى الحرية
كم دارينا الحزن الأكبر
بين الصيف .. وجمال المنظر
************
كنتِ بتطلعى من عينيهم
وكتين يفرحوا .. أو يندهشوا
أو يفترشوا سواعد بعض
أو يتكلموا عن الأرض .. وسلام العالم
وكنت غريب الوجهِ .. معذب
**********
ما أحلاهم ..
شالوا معاى الهم بى الجملة
.. وهتفوا .. البحر .. البحر
جوة المركب .. فِضلوا يغنوا .. يغنوا
شوية .. شوية ..
وسكتْ المركب
كل الناس إتنين .. إتنين
فرح إتكلم بى لغتين
... كنت برايا
وجانى حنين الكون .. إتكوّم
غوّر .. غوّر .. جوة فى صدرى
وإتمنيت لو كنتى .. معايا
&&&&&&&&&&&&&

الحزن النبيل
صلاح حاج سعيد

وبقيت أغنى عليك ..
غناوى الحسرة والأسف الطويل
وعشان أجيب ليكى الفرح
رضيان مشيت للمستحيل
ومعاكى فى آخر المدى
فتينى يا هجعة مواعيدى القبيل
بعتينى لى حضن الأسى
وسبتينى لى الحزن النبيل
***************
ومشيت معاك
كل الخطاوى الممكنة
وبقدر عليها .. وبعرفا
أوفيت وما قصـّرت فى حقك
ولا كان عرفة غيرك .. أصادفا
وقدر هواكى يجيبنى ليك
جمـّع قلوبنا .. وولـّفا
وكتين بقيتى معايا .. فى أعماقى
فى أعماق مشاعرى المرهفة
لا منـّك إبتدت الظروف
ولا بيكى أنتهت الأمانى المترفة
***************
ندمان أنا ؟
أبداً وحاتك .. عمرى ما شلت الندم
ما أصلوا حال الدنيا .. تسرق منية
فى لحظة عشم
ندمان أنا؟
وأنا عندى ليك كان الفرح
رغم إحتمالى أساكى يا جرح الألم
وكان خوفى منك
جايى من لهفة خطاك على المواعيد .. الوهم
ندمان أنا؟
أبداً وحاتك .. عمرى ما شلت الندم
أهو نحن فى الآخر .. سوا
باعنا الهوى
وماشين على سكة .. عدم
&&&&&&&&
الزمن الفلانى

نجاة محمد سعيد


لمـّن يجى الزمن الفلانى
سمانا بتقطر مطر ..درّى
وتمازج برتكانى
ندمن الضحك المعافى
نحيا فى الفرح المورّد
ياسمينى .. وأقحوانى
...............
يا حبيبنا .. جوّة عينيك عايشة ناس
بتسجل الأيام .. أغانى
والطريق .. ما ببقى ساهل
ليك بى المعنى المكانى
لمـّا يتحقق زمانى
بشرق الفجر الحقيقة ..
والصباح الأبيضانى
...........
يا حبيبنا
بتحيا فى حلم الترابلة
وفى العلاقات .. المعانى
وفى البقاسى شقا المسافة
وعايشة جوّاهو .. وبعانى
.. لمـّا يتحقق زمانى
بمسح الحزن المعشعشْ
فى عيونك .. أسمرانى
&&&&&&&&

لمـمـشى العــريــض
عبدالعزيز العميرى


مكتوبة فى الممشى العريض
شيلة خطوتك .. لى البنيّة
مكتوبة بى الخط العنيد ...
فى ذمّة الحاضر .. وصيّة
شاهدة التواريخ والسّير
.. والإنتظار
أدونى من قبلك مناديل الوصول
.. وفردت أجنحة العشم ..
فى ساحة الوطن .. البتول
وضحكت ماهمّانى شى ...
وبكيت ولا همّانى شى
عندك وقفت من المشى
وغرقت فى ضو النهار
********
كانوا ..
بتمنوكى لو ترتاحى لحظة ..
على الدرب
حبوكى ... حب
قدر الحروف الحايمة فى بطن الكتب
قدر الخيال ..
ما مدّ إيدو على السحب
كل خاطر كان بريدك
إلاّ ريدك كان رسول الدهشة ...
فى كل الديار
.. وأنا زى عوايد الشعر فارس
مدّ خيل الكلمة .. ليك
مصلوب على ضهر البداية
.. القالوا آخرا جايىّ ليك
وسرحت يامهوّن .. تهوّن شان أجيك
كان أصل يوم لى حضورك ...
كتْ بريدك .. ومشتهيك
وإنكسر فينى الترجّى
ونلت من سفرى الخسار
بس داير أقولك يا أصيلة
لو تعب فينا التمنى ..
وإنهتك وتر المغنى
لو تسدى علينا طاقات البشاير ...
بنهزم يوم التجنّى
وأجيكى ما همّانى شى
عندك وقفت من المشى ..
وغرقت فى ضو النهار
&&&&&&&&

حاجة فيك
هاشم صديق


حاجة فيك
تقطع نفس خيل القصايد
تشده أجراس المعابد
توهتنى .. جننتنى
جننت حرف الكلام
وبرضو أدتنى السلام
********
حاجة فى شُرف المداين
وفى غرف كل السفاين
جوّة فى عمق المناجم .. والعيون
حاجة زى ماتكون محلـّق فى العواصف
فجأة .. تهبط لى السلام
حاجة زى نقر الأصابع
لمـّا ترتاح .. لى الموسيقى
حاجة زى أخبار .. تناغم من جريدة
حاجة زى وتر الموانى
لمـّا يصدح لى سفينة
.. حاجة فيك
*********
حاجة فيك
لا بتبتدى .. لا بتنتهى
خلتنى أرجع لى القلم
وأتحدى بى الحرف .. الألم
وأضحك مع الزمن .. العريض
وأنسف متاريس الطريق
وأعرف متين أبقى المطر
وأفهم متين أصبح حريق
.. حاجة فيك..
&&&&&&&&&&&&


بقول غنوات
محمد طه القدال

بقول غنوات .. واقول غنوات
في البلد البسير جنياتها لي قدام ..
بقول غنوات
وفى الولد البتل ضرعاتو في العرضة
ويطير في الدارة صقرية ..
ولو السمحة تلت إيد
ومدت جيد يقوم شايلاه هاشمية
يشيل شبالو وختفة ريد وفرحة عيد ..
وريدة روح وحمرة عين وإيدية
بقول غنوات .. بقول غنوات
وفى الولد البشيل مدقاقو قولة خير على القمرة
يقابل الجاية متحزم ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
و قبال حول تغيم غيمة قبلية
ترش الدارة والحدبة الصعيد الحلة
يا فرحه بتطارد الصفقة في النسمة الصعيدية
وياجهرة نهار الليلة بدرية
رحيح جنياتنا في
الحدبة الصعيد الحلة
يا قمحاتنا هو لبلب ...
يا سمحاتنا هو لبلب
و يا اللوز الفتق في الوادي هو لبلب
ويا البحر الطمح مدادى هو لبلب ..
ويا حجواتنا يا دعواتنا هو لبلب
سألتك بالذي ركز الأرض معبد
وسوى الناس عليها مقام
سألتك بي حجا الأمات ودعواتنا ..
سألتك بي كبيداتن و دمعاتنا
شليل وين راح ..
يكون ضل الخريف فاتنا
وشليل وين راح
وزي برق السماك الجابها دغشية
وزي زغرودة البطن الكبارية
مرق من شامة القمرة
مهيقت بي وداعة الله ومقدم بالعديل يبرا
تعالوا ابشروا ياجنيات
شليل ما راح .. شليل ما فات
شليل عند المسورو حرق بقالو حصاد
شليل فوق التقانت قام خدار وبلاد
شليل مشوار.. شليل مسدار
شليلنا أرضنا يا جنيات
شليل قائم نصاصي الليل يتمتم ليلو وردية
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
مزارع بات على عشقين تراب بلدو
وسماح فوق بت مزارعية
&&&&&&&&&&
من بعد ما عز المزار
الشاعر عبد العال السيد

من بعد ما عز المزار

والليل سِها .. وملّت نجومو الإنتظار
والشوق شِرِب حزن المواويل
وإنجرح خاطر النهار
*********
وبقيت أعاين فى الوجوه
وأسأل عليك وسط الزحام .. قُبـّال أتوه
يمكن ألاقى البشبهك
ما الليل براح
والشوق .. تعالى بيندهك
*********
شايلاهو وين النيل معاك
عصفورة جنحاتا النجوم .. وأنا بى وراك
بسأل عليكى مدن .. مدن
وأعصر سلافة الليل .. حزن
بسأل عليك فى المنفى .. فى مرفا السفن
يمكن طيوفك أُخريات الليل تمر
تملا البراحات ..
لى الحزين طول العمر
********
ما نحنا بينا الأمنيات والتضحية
بينا المعزات .. والعذابات فى الحياة
بينا الهوى ..
إخلاص على قلب إنكوى
وكلام قديم
قلناهو آخر الليل .. سوا
إنو راح نتلاقى لو طال النوى
لكن كلامنا الكان .. وكان
خايف يكون شالو الهوا

-*-*-*-*-*-*-*-*-*-*-*-*-*-*-*-*-


سحابات الهموم
عمر الطيب الدوش
**
سحابات الهموم .. ياليل
بكن بين السكات والقول
وباقات النجوم الجن
يعزن فى المطر
فاتن عزاك .. رجعن
وشوق رؤياك زمان مشدود
على أكتاف خيول... هجعن
وصوت ذكراك .. مكان يجرى
يلاقى السيل ...
وسر مدفون بصدر النيل
**
ولولا الذكرى مافى أسف
ولا كان التجنى ... وقف
وصوت ذكراك رزاز صفق
على خطوات بنات .. سجعن
وشوق رؤياك ..
حنين لى رحلة فى المجهول
ولولا الذكرى مافى ..وصول
ولولا الذكرى مافى ..
إصول..
ولولا الذكرى مافى شجن

-*-*-*-*-*-*-*-*-*-*-*-*-*-*-*-*-

عينيك مدن

صلاح حاج سعيد

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
***********
عينيك سفر
مكتوب أعيش فى غربتو
وأعشق عذابو .. وحُرقَتو
وليلو الطويل
وأتخيـّلك يا حلوة زى نسمة سحر
جيتى ومعاك .. حلمى المطوِّل منتظر .. وعدو الجميل
عشقك زمان .. جوّاى رحل
وإتناهى فى الأعماق .. أمل
ضمخ رؤاى .. إحساس نبيل
أذهل طيوف خاطرى القبيل
.. جاشت ملامحك روعتو
وضجّ السكون .. فى وحشتو
والكان أمل فى عيونى .. لاح
ذوب مدارات فرحة الوهج النضير
المزدهر .. بالإرتياح
.. فجأة إنحصد قبضة رياح
وسكت الكلام يا حلوة .. فى القول المباح
وغام الصباح .. بعدِك رحل
**********
والكان أمل فى غيم سماك .. أيقنت إنـّو عدم بلاك
وإنـِّك قدر
وإنـّو البيحلم بى عُلاكْ
بختار ظروف أحلاها .. مُر
عينيكى لو تصدق معايا الأمنية
عينيكى .. لو أعرف خِتام الأغنية
بدء الكلام .. والمنتهى .. المستطاب والمشتهى
كل المباهج الفى المواويل .. والغنا
والعاشقيك قلبى .. وأنا
هزتنا فى عينيك تصاوير المنى
يا أمنيات من كم سنة
يا أغنيات كل الأماسى .. المستحيلة .. وممكنة
المستحيل عينيك تهون
البستحيل قلبك .. يخون
ما الغدر ما طبع الوفا
والصدق ما شرط .. إنتفى
وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
... لو يبقى بى حساب الزمن

-*-*-*-*-*-*-*-*-*-*-*-*-*-*-*-*-

عينيك مدن

صلاح حاج سعيد

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
***********
عينيك سفر
مكتوب أعيش فى غربتو
وأعشق عذابو .. وحُرقَتو
وليلو الطويل
وأتخيـّلك يا حلوة زى نسمة سحر
جيتى ومعاك .. حلمى المطوِّل منتظر .. وعدو الجميل
عشقك زمان .. جوّاى رحل
وإتناهى فى الأعماق .. أمل
ضمخ رؤاى .. إحساس نبيل
أذهل طيوف خاطرى القبيل
.. جاشت ملامحك روعتو
وضجّ السكون .. فى وحشتو
والكان أمل فى عيونى .. لاح
ذوب مدارات فرحة الوهج النضير
المزدهر .. بالإرتياح
.. فجأة إنحصد قبضة رياح
وسكت الكلام يا حلوة .. فى القول المباح
وغام الصباح .. بعدِك رحل
**********
والكان أمل فى غيم سماك .. أيقنت إنـّو عدم بلاك
وإنـِّك قدر
وإنـّو البيحلم بى عُلاكْ
بختار ظروف أحلاها .. مُر
عينيكى لو تصدق معايا الأمنية
عينيكى .. لو أعرف خِتام الأغنية
بدء الكلام .. والمنتهى .. المستطاب والمشتهى
كل المباهج الفى المواويل .. والغنا
والعاشقيك قلبى .. وأنا
هزتنا فى عينيك تصاوير المنى
يا أمنيات من كم سنة
يا أغنيات كل الأماسى .. المستحيلة .. وممكنة
المستحيل عينيك تهون
البستحيل قلبك .. يخون
ما الغدر ما طبع الوفا
والصدق ما شرط .. إنتفى
وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
... لو يبقى بى حساب الزمن

-*-*-*-*-*-*-*-*-*-*-*-*-*-*-*-*-



-*-*-*-*-*-*-*-*-*-*-*-*-*-*-*-*-


-*-*-*-*-*-*-*-*-*-*-*-*-*-*-*-*-
منقول

اتمنى التثبييت


 
 توقيع :


( شكرا الرائع ايمن )


يسلمو الرحال ياسيييييييييد الذوووووق :::t:::
تسلم كتييير يارحال يا اصيل




المرأة لم تخلق لتكون محط إعجاب الرجال جميعاً ... بل لتكون مصدراً لسعادة رجل واحد
لـو كـان قلبـي معـي مـا اختـرت غيـركـم - ولا رضـيـت سـواكـم فــي الـهـوى بــدلا ً .
** جذابة وعيونى غلابة ***
وما كنت ممن يدخل العشق قلبه .. ولكن من يبصر جفونك يعشق .
اكثر الرجال رجولة ، هو الرجل الذي يعشق أمه ، يعطف على أخته ،
يخلص لزوجته ولا يعشق بعدها إلا ابنته !♥

التعديل الأخير تم بواسطة ملكة القلوب ; 21-10-2012 الساعة 08:28 PM

رد مع اقتباس
قديم 21-10-2012, 11:23 PM   #2



الصورة الرمزية دمعة فرح
دمعة فرح غير متصل

بيانات اضافيه [ + ]
 رقم العضوية : 8075
 تاريخ التسجيل :  Aug 2010
 أخر زيارة : 22-10-2014 (10:19 PM)
 المشاركات : 8,243 [ + ]
 التقييم :  5621
 معدل التقييم : دمعة فرح فخر النيل الازرقدمعة فرح فخر النيل الازرقدمعة فرح فخر النيل الازرقدمعة فرح فخر النيل الازرقدمعة فرح فخر النيل الازرقدمعة فرح فخر النيل الازرقدمعة فرح فخر النيل الازرقدمعة فرح فخر النيل الازرقدمعة فرح فخر النيل الازرقدمعة فرح فخر النيل الازرقدمعة فرح فخر النيل الازرق
 الدولهـ
Qatar
 الجنس ~
Female
 SMS ~
ملامحك ملامح زول رقيق حساس بترتاح ليك كل الناس كلامو درر الماس كفاية اقول زول بكل الناس
لوني المفضل : Deeppink
افتراضي



يسلمووووو ملوووكه ومصطفى سيد احمد فنان بحجم الوطن

الله يرحمو ويغفر ليهو



 
 توقيع :

شكرا المبـــــــدع الرحال



شكـرا الرائــــع ايمـــن


رد مع اقتباس
قديم 22-10-2012, 07:19 PM   #3



الصورة الرمزية ملكة القلوب
ملكة القلوب غير متصل

بيانات اضافيه [ + ]
 رقم العضوية : 8082
 تاريخ التسجيل :  Aug 2010
 أخر زيارة : 20-10-2014 (08:12 AM)
 المشاركات : 4,680 [ + ]
 التقييم :  16
 معدل التقييم : ملكة القلوب علي طريق الابداع
 الدولهـ
Qatar
 الجنس ~
Female
 SMS ~
تحياتي كلام طفلين يلمو فوق الطين كلام عنوانو مشتاقين
وضحكة زول عسل زيك لطيف وحنين
لوني المفضل : Crimson
افتراضي



اقتباس : المشاركة الأصلية كتبت بواسطة دمعة فرح مشاهدة المشاركة
يسلمووووو ملوووكه ومصطفى سيد احمد فنان بحجم الوطن

الله يرحمو ويغفر ليهو


امييين يارب تسلمى خيتوووو نورتى


 
 توقيع :


( شكرا الرائع ايمن )


يسلمو الرحال ياسيييييييييد الذوووووق :::t:::
تسلم كتييير يارحال يا اصيل




المرأة لم تخلق لتكون محط إعجاب الرجال جميعاً ... بل لتكون مصدراً لسعادة رجل واحد
لـو كـان قلبـي معـي مـا اختـرت غيـركـم - ولا رضـيـت سـواكـم فــي الـهـوى بــدلا ً .
** جذابة وعيونى غلابة ***
وما كنت ممن يدخل العشق قلبه .. ولكن من يبصر جفونك يعشق .
اكثر الرجال رجولة ، هو الرجل الذي يعشق أمه ، يعطف على أخته ،
يخلص لزوجته ولا يعشق بعدها إلا ابنته !♥


رد مع اقتباس
قديم 23-10-2012, 10:48 AM   #4



الصورة الرمزية ANGEL
ANGEL غير متصل

بيانات اضافيه [ + ]
 رقم العضوية : 7803
 تاريخ التسجيل :  Aug 2010
 أخر زيارة : 11-04-2014 (04:56 PM)
 المشاركات : 10,315 [ + ]
 التقييم :  1002
 معدل التقييم : ANGEL مبدع بلا حدودANGEL مبدع بلا حدودANGEL مبدع بلا حدودANGEL مبدع بلا حدودANGEL مبدع بلا حدودANGEL مبدع بلا حدودANGEL مبدع بلا حدودANGEL مبدع بلا حدود
 الدولهـ
Saudi Arabia
 الجنس ~
Female
 MMS ~
MMS ~
 SMS ~
♥♥AŋĢêļ
I've got everything, more than I ever dreamed
I love my life
I thank God for all I have
لوني المفضل : Black
افتراضي



أبو سامـــــر

بعدك لا كِمل الحب لا فَتر الحنين

طوووول ما إسمك جوة القلوب منحوت


 
 توقيع :


I'm blessed and I thank God for every day for everything that happens for me
.


رد مع اقتباس
قديم 23-10-2012, 07:12 PM   #5



الصورة الرمزية ملكة القلوب
ملكة القلوب غير متصل

بيانات اضافيه [ + ]
 رقم العضوية : 8082
 تاريخ التسجيل :  Aug 2010
 أخر زيارة : 20-10-2014 (08:12 AM)
 المشاركات : 4,680 [ + ]
 التقييم :  16
 معدل التقييم : ملكة القلوب علي طريق الابداع
 الدولهـ
Qatar
 الجنس ~
Female
 SMS ~
تحياتي كلام طفلين يلمو فوق الطين كلام عنوانو مشتاقين
وضحكة زول عسل زيك لطيف وحنين
لوني المفضل : Crimson
افتراضي



اقتباس : المشاركة الأصلية كتبت بواسطة ANGEL مشاهدة المشاركة
أبو سامـــــر

بعدك لا كِمل الحب لا فَتر الحنين

طوووول ما إسمك جوة القلوب منحوت

اكييييييد تسلمى انجل


 
 توقيع :


( شكرا الرائع ايمن )


يسلمو الرحال ياسيييييييييد الذوووووق :::t:::
تسلم كتييير يارحال يا اصيل




المرأة لم تخلق لتكون محط إعجاب الرجال جميعاً ... بل لتكون مصدراً لسعادة رجل واحد
لـو كـان قلبـي معـي مـا اختـرت غيـركـم - ولا رضـيـت سـواكـم فــي الـهـوى بــدلا ً .
** جذابة وعيونى غلابة ***
وما كنت ممن يدخل العشق قلبه .. ولكن من يبصر جفونك يعشق .
اكثر الرجال رجولة ، هو الرجل الذي يعشق أمه ، يعطف على أخته ،
يخلص لزوجته ولا يعشق بعدها إلا ابنته !♥


رد مع اقتباس
إضافة رد

مواقع النشر (المفضلة)

الكلمات الدلالية (Tags)
مصطـــفى, المرحوم, احمد, اغــــــانى, جمــــــــيع, ســــــــيد, كلمــــــــات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
المرحوم,الفنان,صالح,الضئ فائزة منتدى كلمات الاغاني 6 05-10-2011 08:18 AM
رائعة المرحوم عمر الطيب الدوش البحراوى منتدى الشعر 0 01-09-2011 11:49 AM
اغــــــانى بى شكل تانى نسمه منتدى الشمارات 8 27-10-2010 09:44 PM
اها نبكي علي منو المرحوم ولا اهل المرحوم alwalied منتدى القصص والحكايات 7 04-01-2009 05:20 PM
رثاء الى المرحوم 789 (كمال)... ميدو الخواطر ومأثور الكلمات 1 31-07-2007 05:54 AM

RSS RSS 2.0 XML MAP HTML

Loading...

رسالتنا للمُقلدين : التميز يأتي بالمجهود وليس بالتقليد .. ونجاح أي موقع يعتمد فضلاً من الله وتوفيقه ومن ثم حُب أعضاءه له .. ومن قلدنا أكد لنا أننا الأفضل ( المقلدون خلفنا دائماً ) .