مجموعة رسائل سودانية@سنبل@

. بسم الله الرحمن الرحيم

;) ·.¸.•°®» مجموعة رسائل سودانية اتمنا ان تنيل اعجابكم«®°·.¸.•°° ;) مجموعه رقم (1)
1/ كثير حاولت اكتب ليك حروف تعرف مقام قدرك000وكان الشوق معايا دوام تاه واحتار مع امرك00بعرفك انت زول حبوب
واسع للجميع صدرك 00مساحتك غيمه للبغشاك لطايفك نسمه للحولك00وتائه لسه في معناك يالراقي وكريم اصلك0

2/ وريني من وين ابتديك ومن ياتوباب ادخل عليك ياضحكه فى وش الهموم شوقا شديد دافرني ليك يانسمه جوه الجوف عشم
والروح تسالمك تشتهيك وانا داسي فيك احلام صباي مجبور افتش ذاتي فيك

3/ ترى ايزكروننا اولئك الذين يفتحون في صحرائنا نوافذ الربيع ويمنعون في شتائنا زوابع الصقيع

ايعرفون اننا بغيرهم بلا احد واننا نعزهم واننا نشتاقهم الي الابد

4/ اشتقنا ليك لمن عيون الشوق بكت... واحترنا كيف نعبر متاهات الدروب الابعدت000
وشكينا من ظلم الظروف الفرقت00 ولمن غلبنا الشوق وروحنا اتشتتت00رسلنا اجمل امنيات لي اغلي زول واحشنا جد000

5/ في بعدكم كل الحروف اتيتمت لما الظروف القاهرة فينا اتحكمت رسم المداد روعة مواقف في الافق
كانت تلح في الفرقة بيننا وحتمت انو الفؤاد يفضل مقر للرائعين والروعة ليكم صممت

6/ امانه الفرقه لما تطول تولع فينا جمر الشوق نظل صابرين ونحسب نحنا في الايام سبت واثنين نفط الجمعه في الاسبوع
نلقي اليوم سنين وسنين نكورك ا ا ا ا ا ه مشتاااااااااااقين .......
7/ وعد مني
عشان عيونك
امشي للافراح واجيبا ولوعيونك مره حسو اني ممكن يوم اسيبا تبقي عينيك دابا غلطت وتبقي يادوب دي المصيبه .

8/ لما تفصلنا المسافة وينقطع حبل الوصال اسال التذكار ملامحك لو يجود بصورة واضحة القي رسمك في الدواخل
احلي مما في الخيال ...

9/ يبقى عيدك لما تلقى انسان بريدك تبقى مشتول فى دواخلو وينقى ساكن فى وريدك

10/ القدر مكتوب مسطر ديمه نافذ امرو فينا ابقى ماتقطع رسايلك خلى مرسالك يجينا بيهو نتطمن عليكم
وتعرفو الحال العلينا يحمل اشواقنا ويجيكم وشوفو كيف اسرتو فينا...

.

الاخ حبه سنبل كلام جميل وفي قمة قمة الابداع ويسلمو جدا على الذوق الحلو ومزيد من الابداع
وتقبل مروري

ولله رسايلك حلوه وتسلم عليها..............(الحلوه)

يسلمووووووووووووووووووووووووووو ياغالي
والله الرسال ميه ميه

الحمدلله والصلاة والسلام على رسول الله وعلى آله وصحبه أجمعين
مجموعه رقم (2)
11/ منو الزيك يحس بالناس منو المتلك جميل احساس اعاين فيك الاقى خطاك معاى ديمه واشواف عينيك مع القيمه
يااروع زول قدر يكسر رتابه الكون ويتحكر فى الاعماق هوى وقيمه.

12/ قدر مااقول اسيب الشوق الاقى الشوق مابالايد واقول اقطع خطاوى الريد الاقى خطاك سابقانئ.


13/ اسال الله لك رزق مريم وقصر اسياء وتقوى عائشه وقلب خديجه ورقه فاطمه وجمال يوسف ومال قارون
وحكمه لقمان وملك سليمان وصبر ايوب وحياء عثمان وعلم على ومحبه ال بيت رسول الله *ص*وميعاد ال ياسر .

14/ تبقى كل الدنيا سمحه لما بس هاتفك يواصل ...ترحل احزانى العميقه ويستقر فرحى المسافر...
اصلو شوقك فينى راسى منتظر منك تراسل ...ابقى واصل........تحياتى

15/ اشتقت ليك...كتبت ليك غدر المسافه البينا والشوق والحنين...
اشتقت ليك راجى القدر يجمعنى بيك يطوى المسافات والسنين..
عايش على امل اللقاء بعد الشقا فى دنيا مابتعرف تلين.

16/ اصلو الدنياء معبر فيها جد مابتلقى راحه الاصاحب ليك يعزك يبغى عنوان للصراحه
فى غيابو الدنيا وحشه فاقده لى انوار صباحه.

17/ ياالمخلوق .
بلون الطيف..
اوصف فيك...
اوصف كيف....
ياالحيرت اوصافى ..
ياالسر العميق خافى...
بحر ماطالتو مرافى...
وابلغ من وصف شاعر...
عشان يتختا فى قوافى
منك تبتدى الروعه
وبعدك روعه جد مااااافى ....

18/ اقول اهديك رساله شوق اخاف الكلمه تخزلنى احاول اربط الكلمات تقوم اللهفه تشقلنى
اجيب الميم تطير الشين اشيل التاء وخت الهمزه بالقوه يضيع واحاول من جديد اكتب
تجينى الكلمه مشتاقييييين...

19/ كنت احسبك غاليه لكن للاسف مادريت. انك فوق القلا كله بصراحه بس لاتزعلى.
انتى ابو وجهين... مره قمر .مره بدر.مره احلى من الاثنين.
المرسل / واحد يفداك بعمره يشوفك نور دربه.يدعيلك عند ربه انزل شوف رقمه.

20/ رجعت اتذكر الماضى واناظر صفحتى وياك لقيت الوفاء طبعك وقلبى مستحيل بنساك .

السلام عليكم ورحمة الله وبركاته

مجموعة رقم (3)

21/ الغياب ماهوجفاء والحضور ماهو وفاء الاهم * شوق القلب حتى لو الشخص اختفى.

22/ القمر وكتين يضوى يستدين منك مهابه*انت ماالفرح الحقيقى بسمه فى زمن الكابه
انت نورك لما يسطع يقهر الشمس المهابه* وتبقى غيرك كل حياتنا صفحه بس من غير كتابه.

23/ خلى بالك منى فيك ومن قلب خايف عليك اى سكه تمر بيها اقر يس فى مشيك...
انت لو مشتاق تشوفنا نحن مشتاقين نجيك...نسمو بى معنى الاخاء وتستريح اشجانا بيك..
اصلك اكسير الوئام وطله الخير من وشيك....

24/ شواهد بتحكى. وعنك تقول لانك بدايه ونهايه فصول لقيتك مواسم فرحنا البقاسم ارضنا الشتول
لقيتك معزه وانت الاعز ملكت العقول وعاوز اقول بعزك حقيقه ووصفك يطول.

25/ لوهز صمت الليل برق مامشكله والقاش رحل ساب الشرق لو جسمى بالنار احترق مامشكله
المشكله شوفتك بقت هى المشكله.

26/ مابكتفى لوشوقى امتد لى طول الدرب مابكتفى. وشربت من ريدك بحر مابكتفى
واشواقى ليك كبت مطر مابكتفى ولو قلت فيك كل الكلام ووراك كملت المشى مابكتفى..

27/ بى رقه مشاعر الريد وبى احساسنا عايشنك ومنقولت سلام للجاى نسال انت
كيفنك وحاتك ياملاذ ارواحنا غالى ونحنا عارفنك
غلاوتك من غلاوه ة ارواحنا وزى ارولحنا رايدنك.

28/ اصلوا الطناش من غير سبب ما اظنو يشبه روعتك ماالطله منك لينا عيد ياعيدنا طالت وقفتك
الناس بتسال وين تكون والناس بكت يوم شافتك والحاله عرفوك من بعيد كيف القريب من الفتك.

39/ مانسيناك بالتهانى بس لانك حاجة تانى رايعه زى همس النسيم واغلى من كل الامانى كل لحظه...
كل يوم... كل عام...انت فرحه للبعانى.....

30/ سلاماتنا ياالساكنين قامكم فى سواد العين وتعجز عنو كلماتنا سلام اكثر يشيلو الشوق وفى اعماقنا اتحكر
ولمن تبعد الخطوات نشيلو حنين ونتذكر.. نقول امكن نلاقيكم نبل الشوق ونتعطر .

بسم الله الرحمن الرحيم
السلام عليكم ورحمة الله وبركاته كيف حالك إن شاء الله دائما بخير ؟ ألف مبروك .. لقد سعدت بهذا الخبر

يسلموااا مسجات كلها حلووووة

مانسيناك بالتهانى بس لانك حاجة تانى رايعه زى همس النسيم واغلى من كل الامانى كل لحظه...
كل يوم... كل عام...انت فرحه للبعانى.....


روووعه