.:: إعلانات النيل الازرق ::.


 
 
العودة   منتديات النيل الازرق السودانية > اقسام الاغاني والفيديو > منتدى كلمات الاغاني
التسجيل YouTube التعليمـــات التقويم اجعل كافة الأقسام مقروءة
أهلا وسهلا بك إلى منتديات النيل الازرق السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

 
 

الملاحظات

منتدى كلمات الاغاني يختص بجميع كلمات الاغاني السودانية والعربية والغربية

الإهداءات

إضافة رد
 
أدوات الموضوع انواع عرض الموضوع
قديم 21-09-2007, 06:54 PM   #1
 
 
الصورة الرمزية geno
 



geno غير متصل
 
افتراضي كلمات اغانى عقد الجلاد


ودود الابتسامة

يا ودود الابتسامة
بشتكيلك منك الحزن الدفين
خلي بالك للغمامة تملى
تملى لما تنزل لا بتشكي ولا بتحكي
الا تطلع من انين الارض وردة وعش حمامة
شفتك امبارح معايا
كنت بين نايمة وصاحية
تحتويني الريدة والشوق والعنا
وانت صاحي ترفع ايدك للشموس العالية
وتدفئ الغنا
ينتميلك قلبي يا اب قلباً حنين
بشتكيلك منك الحزن الدفين



كل مانقول

كل مانقول خلصنا الليل
يطلع باكر ليلا أطول
كل مانقول خلصنا الشيل
تطلع شيلة باكر أتقل
بس نتحمل ونصبر ونأمل
إنو الجاي صباحا أجمل
لكن كيف
طعم الريد جوانا اتحول
مرة تشيلك فوق لفوق
مرات تملاك فاقة وضيق
تلقى الدنيا تلم في هموما
تفتح جرحك وانت تضوق
أنسى وأقول ما منها مني
دايما بحلم وأنا ممحوق
قنا كتير الشارع بقصر
لمن نصبر نحن نكون
لم الزول في يوم يتعثر
بكرة القاسى الشافة يقول
بكرة بنمشي الخطوة
الأولى
التانية
التالتة
الرابعة
الخامسة
وفجأة
نلقى الشارع قسى واتحجر
نلقى الحلم الفينا اتكسر
ويبقى الزول
مسجو ن مجنون مهضوم بالهم
مسكون ميئوس معفوص جواو
منحوس محبوس ويكوس
أسي دا شارع ماشي لي وين
لينا عليهو سنين وسنين
نمشي كأننا ما ماشين
نفتح سكة نسد اتني



المدينة

للشاعر/ هاشم صديق
الحان / عثمان النو


دي المدينة وديل ايديا
داير اكتب انا في النوافز
اه في المنافز
اسمي تاريخي وحكاوي الرحلة
في الزمن المعاصر
داير اقول كل الكلام
الما اتفهم لي جاري
لي صاحبي واخويا
ولا اتشرح جوه الدفاتر
داير اقول همسي الصريح
وقصه الحزن المحكر جوه فيني
في دروب الدنيا متغرب مسافر
دي المدينة وديل ايديا

اه اه يايمه لسه بخوض
في بحر الزيف
رمل الصحرا غمر بستاني طال الصيف
ومازارني خريف طال يايمه
لسه بخوض في بحر الزيف
مشيت في الشوك لي ضريحك ابكي
مره اكابد ومره اعاني
مره اقيف اتنفس لحظه
واعود من تاني اخوض في الزيف
اه اه يايمه لسه بخوض في بحر الزيف





ساجور

كلمات : جمال حسن سعيد
الحان : طارق جويلى


ساجور ما انفكّ
فى رحم الغيب ما انفكّ
ما باح الغيم بي سر الضيم
والناس نضيم فى الفارغة
ساجور ما انفكّ
سؤال فى القمر الخنق فى الحلة
ما اندق صفيح
ما انشدّ بليلة
بليلة وفال
ما اتغنى مديح
وما فكّ ضفايرك للريح
والناس بتصيح فى الفارغة






امونة
كلمات / محمد طه القدال
الحان / عثمان النو

ماضهبت اقول لقيتك
انتي فى كل الخواتم والمياتم
والنجيمات والعواتم والمغنين المطاليق
ما حزنت اقول بكيتك
نحن فى حزن المخاليق
الفرح جاييك وعد
غنوة اولاد التحاريك
كنتى فى ليل الخوابى
تهاتى بينات الطوابى
تحاكى جقليب السعى
الوليدات خلو حجرك ريح يفوفى
وعين مزرزرة من شقى الفرح المرابى
منية الوعد الداعى
انت في خوفك تكاتل رفة الطير والحفيف
انت فى شوفك تخاتل عينة الجلب الخريف
انت فى اللالوبة مصلبة البنيات النسيمات الهفيف
انت فى اللالوبة مشنقة الوليدات ناس نجومى
محبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم وافيت ..وكت العلم جافي
صدق الوعد نافيت .. مر الصدق وافى
يا ديارى الوين ....نى
تور عفينة الشينة ..... نى
ما اضينة وزينة.....ني
تور عفينة الشينة....ني
سنتاً والعيش بالقبضة
قلبك شابايل النبضة
جوني العشاء ملقوني
جهدية ماكلة أكتوفي
يا امونة شن بتشوفى
يا عيونى شن بتشوفى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
يا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
يا عيونى شن بتشوفى
جهدية الاورطية
جهدية الحلبونا
شدو جمالم جونا
جلبنا ليهم سمسم .......... السمسم ما كفاهم
جلبنالهم سعية






يابا مع السلامة

اشعار : محجوب شريف
الحان : شمت محمد نور


يابا مع السلامة يا سكة سلامة
في الحزن المطير
يا كالنخلة هامة
قامة واستقامة
هيبة مع البساطة
اصدق ما يكون
راحة ايديك تماماً متل الضفتين
ضلك كم ترامى حضناً لليتامى
خبزاً للذين هم لا يملكون
بنفس البساطة والهمس الحنون
ترحل يا حبيبي
من باب الحياة لباب المنون
روحك كالحمامة بترفرف هناك
كم سيرة وسريرا من حولك ضراك
والناس الذين خليتم وراك
وعيونم حزينة بتبلل ثراك
ابواب المدينة بتسلم عليك
والشارع يتاوق يتنفس هواك
يا حليلك حليلك يا حليل الحكاوي
تتونس كانك يوم ما كنت ناوي
تجمع لم تفرق بين الناس تساوي
نارك ما بتحرق ما بتشد تلاوي
ما بتحب تفرق من جيبك تداوي
الحلم الجماعي والعدل اجتماعي
والروح السماوي والحب الكبير
في الزمن المكندك والحزن الاضافي
جينا نقول نفرق نجي نلقاه مافي
لا سافر مشرق لافتران وغافي
وين عمي البطرق جواي القوافي
يا كرسيه وسريرو هل ما زلت دافي

يا مرتبتو امكن في مكتبتو
قاعد يقرا وزهنو صافي
يا تلك الترامس وينو الصوتو هامس
كالمترار يساسق يمشي كما الحفيف
كم في الذهن عالق ثرثرة
المعالق والشاي اللطيف
تصطف الكبابي اجمل من صبايا
بينات الروابي والضل الوريف
احمر زاهي باهي يلفت انتباهي
هل سكر زيادة ام سكر خفيف
ينده للبنية يديها الحلاوة
والخاطر يطيب
يدخل جنو منو محبوب الشقاوة
يستنى النصيب
الدفو والنداوة السنا والعبير
كالغزلان هناك في الوادي الخصيب
حيث الموية عذبة والغصن الرطيب
كم تحت المخدة اكتر من مودة
للجنا والغريب
عش وعشب اخضر جدول من حليب
يابا ابوي يا يابا
الشمس البتطلع بلت منو ريقا
والنجمة البتسطع فيه تشوف بريقا
الندى في حركتو يطفيها الحريقة
ننهل من بركتو زي شيخ الطريقة
شاييهو وطرقتو والايدي الصديقة
يلا نسد فرقتو حب الناس درقتو
يا موت لو تركتو مننا قد سرقتو
كنا نقول ده وقتو لكنك حقيقة
النفاجو فاتح ما بين دين ودين
نفحة محمدية دفئاً كالضريح
ميضنة كم تلالي جيداً في اليالي
مجداً في الاعالي
مريم والمسيح
قلباً نبضو واصل ما بين جيل جيل
ما بين كان وحاصل او ما قد يكون
ما بتشوف فواصل الا الذكريات
وآلام المفاصل بعضاً من شجون
يابا مع السلامة يا سكة سلامة
في الحزن المطير





يا جمال النيل

كلمات / التجاني حاج موسي
الحان / كيم اوق مان

يا جمال النيل والخرطوم باليل
ياراضعة من نيلين حضنوك من ازمان
يا قبلة الزائرين يادرة السودان
ضمخ شذى الياسمين والورد والريحان
عشاق سمر باليل سحرم جمال النيل
اجمل ليالي هنا لما القمر يظهر
والونسة تبقي غنا والغنوة تتنقل
وتفوت علي امدرمان وهناك تكون اجمل
لوبس تطول ياليل وتزيد جمال النيل


يا شبـــــــيهَ البدرِ
يا شبـــــــيهَ البدرِ
حُسناً و ضِـــياءاً ومِثالا
يا شبيـــــــهَ الغُصنِ
ليناً وقواماً واعـتِدالا
أنتَ مثلُ الوردِ لوناً
و نسيماً ودلالا
زارنا حتى إذا ما سرنا بالكُربِ زالا
طيفُك يا حبيبنا
زارنا حتى إذا ما سرنا بالكُربِ زالا

















عرض البوم صور geno   رد مع اقتباس
قديم 22-09-2007, 06:56 PM   #2
 
 
الصورة الرمزية geno
 



geno غير متصل
 
افتراضي شين ودشن


شين ودشن

الشاعر / صلاح احمد ابراهيم
الحان / حمزة سليمان



شين ودشن
حر سيافى شين
شين ودشن
كلمة مافى شين
وهظاروا خشن
بسموم وسوافى
تسال شن الحبة الفيهو
الحب في زاتو مبرر كافي
ماشين ودشن
حار سيافى شين
عشان بقعة خراب
مافيها شجر
راويها سراب واطاطا حجر
حصحاصا يولع في الرمضاء
الحب سلطان مسلط نافى
لغيروا مرض لكن شافي
الشعب الحر الفعلو بسر
آب لحما مر
في الزنقة أم لوم قدام ميلين
البسمع فيهم يا أبو مروة
بي فرارة ينط من جوة
يبادر ليك من غير تأخير
دا اخو الواقفة يتعشى الضيف
الحافظ ديمة حقوق الغير
سيد الماعون السالي السيف
الهدمو مترب وقلبو نظيف
لا تسالنى عن حب وطني الفقران وغنى

















التوقيع

عين الامل بتشوف فجر الخلاص قداااااام
عرض البوم صور geno   رد مع اقتباس
قديم 22-09-2007, 07:00 PM   #3
 
 
الصورة الرمزية geno
 



geno غير متصل
 
افتراضي


لي وين وكيف لمتين

لي وين وكيف لمتين
يا ضحكة ضاعت وين
يا حزن يا مرتاح
بين الدموع و العين
تعبت معاك الروح
والليل حشد سهروا
شباك حلم مقفول
حرس المسافة يطول
للفاتو ما رجعوا
يا سكة لبيـتنا
يا عتمة يا مشوار
يا شارع الحِـلة
ماضاعت الذكرى
للغابو و الحضرو
يا قمري يا قمرا
يا سنسنة و حمرا
بسأل عن الأفراح
و الخاطر المرتاح
عن دنيا فيها السماح
عن الصباح الراح
لا ضو و لا أثرو
علِمنا يا مسكين
ورينا عايش كيف
دي الريح وقول الزيف
بيشتتوا المطرة
والفكرة قولة الحق
مكتوفة مُكتسرة
الخطوة نحوِك كيف
والسكة دي خطرة
أطفالنا و الأُمات
آمالنا و أحلامنا
الهسة والجايات
طوالي في وكرة
لكن دا كلو يهون
مهما الصباح مرهون
والفرحة محتكرة
البذرة مهما يكون
حتبقى يوم شجرة

















التوقيع

عين الامل بتشوف فجر الخلاص قداااااام
عرض البوم صور geno   رد مع اقتباس
قديم 22-09-2007, 07:04 PM   #4
 
 
الصورة الرمزية geno
 



geno غير متصل
 
افتراضي

اولاد المــدارس

الشاعر / فيصل محمد صالح
الحان / عثمان النو

يــلا يـا اولاد المــدارس
فـي ربى السودان وسهله
يلا شخبطو في الكراريس
اكتبوا الواجب وحلوا
دينق زايد محمد احمد
فاس وطورية وزراعة
فاطمة زايد ميري ببقوا
غنوه نيلية بشراعه
وردتين على يامبيو
ووردة تالتة على رفاعة
يي بلدنا وكلنا اخوان
سوداني بلدنا يي
حرب زايد بندقية
يختفوا اللقمة الهنية
من أصابع طفل جائع
أمو حزنانة وشقية
حرب بتضيع ولادنا
يلا يا اولاد المدارس
هاتو من القلب غنية
للخضار والازدهار
للسلام والتنمية
للعصافير المهاجرة
تبني عشها مرة تانية

















التوقيع

عين الامل بتشوف فجر الخلاص قداااااام
عرض البوم صور geno   رد مع اقتباس
قديم 22-09-2007, 07:13 PM   #5
 
 
الصورة الرمزية geno
 



geno غير متصل
 
افتراضي صوت الإستحاله

صوت الإستحاله

كلمات: جمال عبدالرحيم
ألحان: حمزة سليمان


المناظر هي زاتا
الصور نفس المشاهد
الشوارع والبيوت
الأماكن والمقاعد
والزمان ثابت مكانو
والرقم اللسة واحد
وحشة الليل البهيم
ولمة الناس الحزانى
غصة الشوق القديم
بدموعا وبحنانا
وقصة الولد اليتيم
ونفس صوت الاسطوانة
دنيا تتغير ودنيا
ادمنت عشق الثوابت
صوت ينادي الاستحالة
والحقيقة صوتا خافت
جرح ينزف وقلب دامي
ولسة صابر ولسة ساكت

















التوقيع

عين الامل بتشوف فجر الخلاص قداااااام
عرض البوم صور geno   رد مع اقتباس
قديم 22-09-2007, 07:17 PM   #6
 
 
الصورة الرمزية geno
 



geno غير متصل
 
افتراضي عطبره

عطبره

اشعار : جمال عبد الرحيم
الحان : طارق جويلي

من قمت من بيتنا ومشيت
بطاقتي صورة مصغرة
شايل معاي شنطة صفيح
حزمة هموم
ولدا متين بقي للسفر والاغتراب والدردرة
كان الزمان لسة رضى
والناس ظروفها مقدرة
وانا في القطار اصغر صبي
امال تفيض متفجرة
لما القطار صفر وقف
بهرتني صورة عطبرة
دي محطة الوطن الكبير كانت تضج متحضرة
ونزلت ماشي على الرصيف
اغبش هدومي مغبرة
الهجرة من زمناً قديم زي ساقية فينا مدورة..
عائلة ابوي عبد الرحيم من حلفا جات متهجرة
اديلة او والله رن فجلي
بلد نفاي اموقا كجلي نورين موقو
كن جواب كفاي
دقيتني نفص كورين لوجي
نفس القطارات والسكك
يوم مقبلة ويوم مدبرة
كان عمري 12 سنة
شايل التقيلة مبكرة
رحال بدون زاد لا متاع
كان لي كتاب ومفكرة
لميت شتات بعض الحروف
وقرايتي تبدو مكسرة
من قمت من بيتنا ومشيت
بطاقتي صورة مصغرة
شايل معاي شنطة صفيح حزمة هموم
ولدا متين بقي للسفر والاغتراب والدردرة

















التوقيع

عين الامل بتشوف فجر الخلاص قداااااام
عرض البوم صور geno   رد مع اقتباس
قديم 22-09-2007, 07:23 PM   #7
 
 
الصورة الرمزية geno
 



geno غير متصل
 
افتراضي مشاوير المحبة

مشاوير المحبة

كلمات : عماد الدين ابراهيم
الحان : الاستاذ النو


يا مشاوير المحبة
الكلمة تقلت
والخطيــوات الندية
الغيمة الشالت...دمعة مرة
غــرَ قت أناتا أرواحنا الوفية
الصدق أصبح في عيون الناس مظنة
الصدف أصبح فينا كلمات هامشية
والحقيقة بقت مخافة وانزوت في عمق أعماقنا الخفية
يا مشاوير ضيعيني
جدِدي الذاد للمشاوير الشقية
توهي النور بدِديهو
خلي إظلامك يغيب
كل لحظة فرحة فيا
بكي إحساسي الحنـيِــن
فتِريـني و دردِريـــني
وأصلي ليك أنا ماني هيِــن
كل نهاية تكون بداية
كل وجعة تفرهد الإحساس جوايا
وابقى عايش للعُوينات الوفية
وابدا عايش عمري للصادقيـــن هدية

















التوقيع

عين الامل بتشوف فجر الخلاص قداااااام
عرض البوم صور geno   رد مع اقتباس
قديم 19-11-2007, 03:04 PM   #8
 
مشـرف سـابق

 
الصورة الرمزية ..::$ الجوكـــــر $::..
 



..::$ الجوكـــــر $::.. غير متصل
 
افتراضي

يسلمووووووووووووووووووووووووووووووو يا قلبوووووووووووووووووووووووووووو

مشكووووووووووووووووووووووووور اخووووووووووووي على االابداع الرائع


















عرض البوم صور ..::$ الجوكـــــر $::..   رد مع اقتباس
قديم 19-11-2007, 03:07 PM   #9
 
مشـرف سـابق

 
الصورة الرمزية ..::$ الجوكـــــر $::..
 



..::$ الجوكـــــر $::.. غير متصل
 
افتراضي

منتظرين جديدك اخوووووووووووووووووويgeno


















عرض البوم صور ..::$ الجوكـــــر $::..   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

 
 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
 
الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اغاني أبو عركى البخيت اغاني سودانية كلمات اغنية بوعدك يا ذاتي طاهر محمد عبد المطلب منتدى كلمات الاغاني 1 17-02-2012 10:36 PM
مجموعة اغاني فرقة / عقد الجلاد ميدو منتدى الاغاني السودانية 3 09-10-2009 07:41 AM
كلمات اغاني الشايقية وصلاوى منتدى كلمات الاغاني 12 10-03-2008 02:10 PM
كلمات اغانى ودالرضى وصلاوى منتدى كلمات الاغاني 20 25-01-2008 11:07 AM
جزء من اغاني عقد الجلاد TeN_TooN منتدى كلمات الاغاني 23 22-07-2007 03:38 PM


Loading...


Powered by vBulletin® , Copyright ©2000 - 2014, Jelsoft Enterprises Ltd. TranZ By Almuhajir
Tynt Script Added by Leicester Forum
Protected by CBACK.de CrackerTracker

Security team