أهلا وسهلا بك إلى منتديات النيل الازرق السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
العودة   منتديات النيل الازرق السودانية > منتديات الأسرة > شباب النيل الازرق

شباب النيل الازرق كل ما يخص عالم الشباب .. أزياء رجالية .. مواضيع شبابية .. وإهتماماتهم

الإهداءات

إضافة رد
 
أدوات الموضوع انواع عرض الموضوع

قديم 19-02-2017, 11:36 PM   المشاركة رقم: 1
المعلومات
الكاتب:
اللقب:
الادارة
الرتبة:

الصورة الرمزية
 
الصورة الرمزية يوسف مدير

البيانات
التسجيل: Jul 2011
العضوية: 11520
المشاركات: 8,639 [+]
بمعدل : 2.61 يوميا
اخر زياره : [+]
معدل التقييم: 10
نقاط التقييم: 5207
يوسف مدير فخر النيل الازرقيوسف مدير فخر النيل الازرقيوسف مدير فخر النيل الازرقيوسف مدير فخر النيل الازرقيوسف مدير فخر النيل الازرقيوسف مدير فخر النيل الازرقيوسف مدير فخر النيل الازرقيوسف مدير فخر النيل الازرقيوسف مدير فخر النيل الازرقيوسف مدير فخر النيل الازرقيوسف مدير فخر النيل الازرق
 

الإتصالات
الحالة:
يوسف مدير غير متصل
وسائل الإتصال:

المنتدى : شباب النيل الازرق
افتراضي الااسماء السودانية القديمة ما اروعها

زاوية منفرجة
جعفر عباس

الأسماء السودانية القديمة ما أروعها
هذا كلام وجدته في موقع نت سوداني ولا أعرف كاتبه
أسماؤنا السودانية القديمة، كان من الصعب أن تأتي لها باسم دلع، فلا يمكنك أن تدلّع: بلة، الطريفي، أب جيبين، التجاني الخزين، عجبين، الزبير، أب كساوي، الصديق، فضل المولى، فتح الرحمن، عبد الجبار، البشير،عكاشة، الجنيد، تيراب، الريّح، الماحي، حمد النيل، حسب الله، جبارة الله، أب سقرة، البي كيفو، تميم الدار، جبر الدار، التلب، عمسيب، الجاك، الجزولي وغيرها..
حتى النسوان كانت أسمائهن صلبة مثل ست النفر، الساتر الله، أم حقين، البتول، سكينة، التاية، نفيسة، النخيل، أم زين، بت الجقمتها وغيرها، والواحدة حتى لو أهلها كانوا متحررين، بالكتير يسموها الصندلية،
والراجل ذاتو بيكون معجب باسم أمه المحتشم وتلقاه يحلف بيه: أنا ولدك آآآ ام زين .. أنا ولدك آآآ بخيتة... هسه أولاد الزمن ده يقولوا شنو.. معقول الواحد يقدر يقول: أنا ولدك يا عبق أو أنا ولدك يا رنا؟
أسماء أولاد الأيام دي، .. مايعة تقررررّب تخت الاسم في التلاجة عشان يجمد ويبقى اسم رجال. لأنها من حرفين أو ثلاثة (مفيش زعل فأنا أنقل ما قاله الكاتب) ومع هذا يحظون بأسماء دلع: : هنو، ولي، مزوني، تموري، عموري، ندوري، ، هنودي، هوبة..
وناس زمان ديل حتى كعكهم كان كعك رجال.. تدخل الكعكة في خشمك وتقعد تقرقش فيها كُرُم كُرُم زي الخروف القاعد يصقع في الجرة. أو كلب يكد في عظم، والآن جابوا لينا الكعك المايع بشتى أنواعه تدخل القطعة في خشمك تجي تلوكها تلقاها ساحت والتصقت بلثتك، وما تعرف ! نفسك هل أكلتها وللا ما كانت في قسمتك..
نفس الشيء ده بينطبق على الولادة، زمان الواحدة تلد من خمسة لعشرة وكل سنة تساهم مع زوجها في ميزانية البيت بإنجاب طفل جديد، ومرات لو الظروف ساعدتها ممكن في نفس السنة تلد طفل، وتشرع في وضع حجر الأساس لطفل جديد، ومرات الراجل ذاتو من كترة الولادة، ما بعرف أسماء أولاده! ومنو الأكبر ومنو الأصغر فيهم.. الراجل يسأل المَرَه: إنتِ آآآ الزينة دحين كبير ضيف الله وللا كرم الله ؟ فتجيبه الزينة باستغراب: أجي يا راجل: شن جاب ضيف الله لكرم الله! أنا لما ولدت كرم الله ده، ضيف الله كان يا دوووب بيحبا، لكنهم الاتنين مولودين في نفس السنة المات فيها خالي عبد الرحمن..
بنات الزمن ده الواحدة إلى أن يتخرج ولدها من kg2، حتى يقولوا ليك قاعدة تتوحّم.. وهو شن الوحم؟ الواحدة وحمها مخالف للعادات والتقاليد: متوحمة على تفاح لبناني أو زبيب إيراني أو عنب إيطالي أو مهند تركي، فيطلع ليها الولد مايص ولايص ومرخرخ ، زمان وحم حبوباتنا وأمهاتنا كان بسيط وسهل التنفيذ ، الواحدة تتوحم على طين البحر أو أم بقبق فيقوم يطلع الولد لايوق وعبيط أو تتوحم على ويكاب مرس فيطلع الولد بتاع مرايس وشطوط! وكمونية .. (نحن ناس بتعيش حياتها بالكمونيّة والنيّة السليمة)..
أهلنا الزمان كانوا متباشرين وحنينين، بكاهم شهر وعرسهم شهرين، والواحدة لما يموت راجلها تتحبس عليهو ثمانية شهور وعشرين يوم، وشهر العسل كان ثلاثة شهور، العريس يعديها في ضبّيح الخرفان ...أولاد الزمن ده شهر العسل عندهم ما بزيد ليهو من أسبوع بالكتير
في الزمن المايع ده حتى شطتنا بقت مايعة وما بتحرق.. ونحن والله شعب لو ما حس بالشطة في جوفو تسوي تح تح، الأكل ما ينفعه. والزمن ده بقى زمن الكيتشاب والمايونيز
وكلابنا برضو بقت مايعة وكسلانة ومسكينة وما بتهوهو في زول، الكلب تجي ماشي فوق ليهو يقول ليك "هَوْ"، كأنه عامل ليك مس كول.. يا حليل أيام زمان لما الكلاب كانت بتسك الشفّع وتشرط هدومهم.. الآن الكلاب بقى مغضوب عليها وضالة ومهمشة وبتعيش على حافة النسيان ولو نظمت نفسها كويس ممكن تدخل الغابة أو تقيم في فنادق وتعمل ليها حركة تمرد وممكن تسميها حركة نهضة الكلاب وتختصرها في كلمة (حنك)..












توقيع :




تعجز كل مفردات الشكر والإجلال للرائعة صاحبة الذوق العالي رؤى

عرض البوم صور يوسف مدير   رد مع اقتباس

قديم 20-02-2017, 09:36 AM   المشاركة رقم: 2
المعلومات
الكاتب:
اللقب:
][الادارة ][
الرتبة:

الصورة الرمزية
 
الصورة الرمزية عالية الأخلاق

البيانات
التسجيل: Nov 2012
العضوية: 15371
المشاركات: 7,697 [+]
بمعدل : 2.71 يوميا
اخر زياره : [+]
معدل التقييم: 10
نقاط التقييم: 7520
عالية الأخلاق فخر النيل الازرقعالية الأخلاق فخر النيل الازرقعالية الأخلاق فخر النيل الازرقعالية الأخلاق فخر النيل الازرقعالية الأخلاق فخر النيل الازرقعالية الأخلاق فخر النيل الازرقعالية الأخلاق فخر النيل الازرقعالية الأخلاق فخر النيل الازرقعالية الأخلاق فخر النيل الازرقعالية الأخلاق فخر النيل الازرقعالية الأخلاق فخر النيل الازرق
 

الإتصالات
الحالة:
عالية الأخلاق غير متصل
وسائل الإتصال:

كاتب الموضوع : يوسف مدير المنتدى : شباب النيل الازرق
افتراضي

تحية للكاتب الصحفي جعفر عباس
وكنت من المعجبين بكتابته زمن كان بكتب في جريدة الوطن السعودية ..
ومع انشغالي بالدراسة لا اعرف اين يكتب الان ..
المقال جميل وساخر بالرغم من حقيقة ما يحصل الان
لكن يظل كل زمن بسماته واعرافه ..
الغريب في الامر بالرغم من قسوة الاسماء الا انه كانت الجريمة
قليلة والناس فيهم رأفة لبعضهم ..وحاليا ناس سوسو وهنو
ممكن يطلع منهم سم زعاف !
زمن عجيب ..!












توقيع :

عرض البوم صور عالية الأخلاق   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الااسماء, السودانية, القديمة, اروعها

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الحضارة السودانية القديمة و تاثيرها ᥴ عالية الأخلاق الشؤون السودانية والتراث 5 03-09-2015 10:24 AM
جسور سرايبقو القديمة ودحجرالعسل المنتدى العام 0 18-02-2015 09:56 AM
حلفـا القديمة في صــور alhjeer قرى ومدن سودانية 10 14-04-2010 01:39 AM
قصة الريد القديمة منااااال ام هناء الخواطر ومأثور الكلمات 15 13-03-2007 01:52 AM


Loading...

Powered by vBulletin® , Copyright ©2000 - 2020, Jelsoft Enterprises Ltd. TranZ By Almuhajir
Protected by CBACK.de CrackerTracker

Security team

 
جميع مواد النيل الازرق من صور ومعلومات محفوظة جميع الآراء و المشاركات المنشورة تمثل وجهة نظر كاتبتها فقط , و لا تمثل بأي حال من الأحوال وجهة نظر الشبكة والمنتدى .