.:: إعلانات النيل الازرق ::.

أهلا وسهلا بك إلى منتديات النيل الازرق السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
العودة   منتديات النيل الازرق السودانية > منتديات الأدب والفنون > منتدى القصص والحكايات

منتدى القصص والحكايات يختص بسرد القصص والروايات المختلفة

الإهداءات

إضافة رد
 
أدوات الموضوع انواع عرض الموضوع
قديم 16-12-2018, 11:45 AM   #11



الصورة الرمزية أمل عطا المنان
أمل عطا المنان غير متصل

بيانات اضافيه [ + ]
 رقم العضوية : 23510
 تاريخ التسجيل :  Nov 2018
 أخر زيارة : 24-12-2018 (02:58 PM)
 المشاركات : 218 [ + ]
 التقييم :  14
 الدولهـ
Sudan
 الجنس ~
Female
لوني المفضل : Darkmagenta
افتراضي الحلقة الرابعة



بلة ود الجيلي عمرو كم وعشرين سنة شاب وجيه ومحترم خلاس ومن النوع البشوش وصاحاب وطاياب وزول مرن شديد بدخل في الناس سريع ومجامل والناس كلهم بريدوهو اعز اصحابو بركات ود قسم السيد وعمر ود سعد والمكاشفي ود النور ديل أكتر ناس هو ملازمهم طوالي بين أصحابو وكانوا الاربعة صحبتهم قوية ودايما بكونوا مع بعض ،
بلة بقرا في الجامعة ومنتظر متين يتخرج عشان يغترب جنى فراق من يومو وطوالي كان بكلم اصحابو ديل وبقول ليهم البلد دي انا ما بقعد فيها كتير بعد اتخرج وفعلا بعد تخريجو سافر سفرا ما منو عودة ابوهو الجيلي راجل حبوب وضكران وجابد اولادو كلهم بالبشاشة والروح المرحة وخاصة بلة دا اكتر واحد كان طالع لابوهو حتى في الشبه اكتر واحد هو البشبهو وغير شبه الشكل في نضميو وضحكو وهظارو وحركاتو كلها
الجيلي كل يوم بمشي النقطة يسأل الضباط والبواليس كل مرة يجوا يسوقوا ليهم زول من الحلة يحققوا معاهو ومافي اي طرف خيط يدلهم على القاتل جريمة غامضة شديد حتى أسبابها ما معروفة
بركات وعمر والمكاشفي اكتر ناس وجعهم فراق بلة وأكتر ناس البوليس حقق معاهم لانو ما كان بفارقهم وديمة معاهم وكتلت بلة دي حيرتهم لانو ما عندو عداوة مع زول
يوم اجتمعوا التلاتة ومشوا لزينب أم بلة في البيت والكلام دا بعد الحادثة بشهر ونص دايرين يسلموا عليها ويعزوها وهي من شافتهم ساي اتذكرتو واليوم داك الحلة كلها انكسرت فوقهم قلبوهو بكاء من اول وجديد التقول انقتل الليلة وبعد مرقوا منها مشوا ديوان ناس بركات وقعدوا يفكروا ويتفاكروا بيناتهم وبكاء زينب ام بلة معاهم قطع قلوبهم عديل لانها دايمن بتشوفو معاهم
بركات قال ليهم يعني هسي بلة اخونا دا دمو راح ساي ؟
عمر قال والله لا نحن لا البوليس ما فضلنا حاجة بتنعمل ما عملناها والموضوع دا غامض ومحير شديد
المكاشفي قال ليهم بعد كدا البوليس زاتو احتمال يوقف التحقيق ويقيدوها ضد مجهول لكن نحن ما علينا من البوليس مفروض نعمل المستحيل زاتو عشان نعرف الكتلو منو
بركات قال والله دا الكلام الصاح ومن الليلة دي نحن ما عندنا اي هم غير نعرف الكتل بلة منو
لانو الزول دا لو طعنو طعنة واحدة ممكن نقول قتل خطأ لكن الزول دا بعجو تبعج اربعة وللا خمسة طعنات يعني قاصد يكتلو وطعينو حق زول محروق منو والتقول بينو وبين بلة تار
عمر قال فعلا زول يطعن ليهو خمسة طعنات وفيهن طعنتين في قلبو دا زول قاصدو عديل وانا في الاول قلت امكن حرامي وجاء يسرق وبلة سكاو وقبضو والحرامي طعنو وجرى لكن الحرامية ما بشيلو سكاكين ولو شالوها ما بكتلو زول كدا
عارفين نحن مشكلتنا شنو ؟
نحن مشكلتنا عفويين وفي حاجات صغيرة ما بننتبه ليها مع انها ما صغيرة وعفويتنا دي هي البتضيع او الضيعتنا وضيعت حقوقنا
المكاشفي قال ليهو كيف عفويين ما فهمت كلامك انا الدخل العفوية شنو ؟
قال ليهو يعني زي بلة دا الناس لقوهو مكتول طوالي الحلة كلها اتلمت في دقيقة عليهو وأي زول دنقر فيهو شافو وقلبوهو في رقدتو وطوالي خموهو وجروا بيهو البيت ولمتهم دي وقليبهم وشيلتهم للجثة دي ضيعت البصمات دا غير في ناس اتمردغو وبكوا واتكشحوا بالتراب جمب الخور
ياخ في أي مكان في الدنيا بخلوهو المكتول في محلو لمن يجي البوليس والمباحث الجنائية والشرطة دي في ناس مختصين تلقوهم يفتشوا ويبحتوا في حاجات تشوفها تقول ديل مواهيم لكن لمن تتكشف الحقايق بتلقى هي السبب في كشف الجريمة
بركات قال ليو والله كلامك صاح يا عمر وانا والله من اوايل الناس الشافوهو انا واخوي حسن والنور وانا لمن شفتو والله ما قدرت اتمالك نفسي قعدت أبكي بطول حسي والناس سمعوا بكاي وجوا جاريين
المكاشفي قال ليهم هسي نحن نبدا من وين ؟
عمر قال نبدا من قبل بلة يقتل بشهر شهرين ونشوف الزول دا غير معانا كان بلاقي منو وبمشي وين براو وما نفوت اي حاجة مهما كانت صغيرة ما نستهون شي
بركات مشى جاب ليهم الجبنة وجاء حسن والنور وديل غيروا الموضوع وقعدوا يلعبوا كشتينة معاهم واتونسوا في الكورة
بعد مرقوا عمر والمكاشفي حاج القسم كورك لبركات قال ليهو انا سمعت كل كلامكم ودايرك توريني البتعملوهو والبتصلوا ليهو اول بأول
قال ليهو نحن كنا بنتكلم قوي وبصوت عالي ؟
قال ليهو ما مهم دا المهم انا سمعت كلامكم كلو واسمع كلامي القلتو ليك دا توريني اول بأول وما تدس مني شي
قال ليهو خير يا أبوي


 


رد مع اقتباس
قديم 16-12-2018, 11:46 AM   #12



الصورة الرمزية أمل عطا المنان
أمل عطا المنان غير متصل

بيانات اضافيه [ + ]
 رقم العضوية : 23510
 تاريخ التسجيل :  Nov 2018
 أخر زيارة : 24-12-2018 (02:58 PM)
 المشاركات : 218 [ + ]
 التقييم :  14
 الدولهـ
Sudan
 الجنس ~
Female
لوني المفضل : Darkmagenta
افتراضي الحلقة الخامسة



حاج القسم بعد قال لبركات دايرك توريني اي حاجة بتصلوا ليها وبركات فات علي أخوانو قعد يفكر مسافة طويلة وقال انا اول حاجة مفروض أفكر فيها الزول الكان واقف يوم الجريمة جمب لفة دكان علي الزول دا منو وليه كان لابس أسود صر ووقفتو ومعاينتو جاي علي جهتنا سرها شنو هل في زول شافو وهو بكتل في بلة وهو عرف في زول شافو وبعاين عشان يتأكد أو في زول كان معاو وجاء علينا جاي ؟ معقول يكون النور ولدي كان معاو ؟ لكن النور لو كان معاو جاء داخل البيت بوين وكيف ما اعتقد كان معاو الا إذا تلب بالحيطة ومع مرقتي وفتحتي للباب اليوم داك تلب دخل لكن انا ما سمعت أي حركة ولا شفت أي شي .
خليتو النور باب ناس عبد الغني الجزار الانفتح الفتحو منو الساعة ديك عبد الغني صاح بقوم الدغش بدري يضبح لكن بعد صلاة الصبح والدنيا تكشف والعين تشوف لكن اليوم داك الغريبة ما ضبح نهائي . بكون بعد سمع بالحادثة دي ساب الضبح اليوم داك ؟
عبد الغني الجزار دا من الحلة أصلا وجاها قبل كم سنة عندو قرابة مع حاج التوم الله يرحمو هو الجابو الحلة وعرس ليهو بتو مرضية واول ما جاء اشتغل سواق وكان سايق لوري علي سيد الدكان قبل يخسر ويبعو بجيب بيهو التراب والرملاء والطوب من الكماين لناس الحلة والجزارة دي اشتغل فيها بعد مرض حاج التوم قبال يموت ورثها منو وكانت ياها شغلتو
وشغلة أهلو كلهم .
حاج القسم ناغم لبركات وقال ليهو انت طبعا بتعرف بلة كويس الله يرحمو وصاحبك داير اسألك من حاجة واقفة لي في نفسي ، بركات قال اي بعرفو كويس شديد وما كان بدس مني شي الحاجة الواقفة ليك في نفسك دي شني؟
قال ليو عبد الغني الجزار جارنا دا البربطو شنو ببلة ود الجيلي
بركات فكر مسافة وابتسم قال ليهو مافي أي علاقة بيناتهم ، ابوهو قال ليهو لا لا في كدي اتذكر كويس
قال ليو والله يا ابوي ما شايف في اي علاقة دا في وادي وداك في وادي وهو زاتو بلة بعد مشيهو الجامعة ما كان بقعد كتير
قال ليهو دايرك تركز لي في النقطة دي وتسعل اصحابك عمر والمكاشفي وتبحتو وراء الكلام دا انا متأكد في علاقة
قال ليهو سمح نشوف مالو ، الزول في قضية زي دي مفروض ما يستبعد حاجة ومن الصباح انا بمشي للمكاشفي وعمر
قال ليهو اي وجيبهم معاك انا دايرهم عندي ليكم كلام
النور جاء بعد شاف قعدة بركات وكلامهم البراحة براحة دا كتر وما عارفهم بقولوا في شنو والموضوع دا ما مريحو جاء سلم علي ابوهو وقعد معاهم قال ليهم بتقولوا في شنو ؟ وللا كلام سر
ابوهو قال ليو اخوك دا قال داير يعرس رايك شنو ؟
النور ضحك وقال ليهو والله احسن ليهو من القعاد ساي والعطال وبمناسبة العرس دي انا داير اععرس يا ابوي
قال ليهو والله ياها زاتها العريان الاشترى الطاقية
قال ليهو كيف ؟
قال ليو انت عريان في جسمك بتشتري ليك طاقية تغطي بيها راسك؟
بركات قعد يضحك والنور قال ليهو انا دداير اعرس لي واحدة مليانة قروش وابوها عندو وعندو ارطب زاتو لا شغل لا مشغلة
حاج القسم كان زول حبوب ومخاوي اولادو وبهاظرهم قال ليهو اتعشت أمك. اها دي خابرها وللا ساي ؟
النور قال ليهو ما خابرها علا بلقاها
قال ليو شوف لينا معاك انا واخوانك ديل برضو الزي دي كلنا بندورها
وجاهم حسن برضو اخدوا ونستهم وحاج القسم قال ليهم امشوا بعد كدا داير انوم الليلة ساهرتو بي
فاتوا والنور قال لبركات اكنتو بتقولوا في شنو انت وابوي قبل اجيكم
بركات قال ليو ابوي ما وراك ؟
قال ليهو لا ما كنتو بتتكلمو عن العرس وقعداتكم براكم كترت في شنو
قال ليهو مافي شي وانا ما طوالي بقعد مع ابوي الجد شنو يعني ؟
قال ليهو في سر وانت داسيهو اوعى تكونوا بتتكلمو فيني
بركات قال ليهو نتكلم فيك نقول شنو يعني وانت مالك عشانك نتكلم فيك بالدس لو في حاجة بنقولها ليك عديل
النور قال ليو لا لا ما مالي حاجة وراوغ بعينو زي الخايف من شي
بركات قال ليهو النور انت خايف من شنو شايفك انا وبتتحاشى القعاد مع ابوي براكم والليلة لو ما لقيتني معاو وداير تعرف بنقول في شنو ما كان جيت
النور رقد قال ليهو نوم نوم مافي شي ؟
الصباح بركات مشى لعمر وساقو للمكاشفي وقال ليهم كلام ابوهو الامس عن عبد الغني الجزار عمر قال والله انا ما شايف في حاجة رابطاهم مع بعض لكن المكاشفي قال ليهم في
قالوا ليهو في شنو بيناتهم قال ليهم قبل اوريكم داير اعرف عمي القسم جاب الكلام دا من وين وشنو الخلاهو يقول كدا
عمر قال ليهو ورينا اول وبعدين نمشي نسألو قال ليهم ورحكم ليهو اول
وقاموا مشوا علي بيت حاج القسم
لقوهو قاعد عندهم شدرة ليمون شايل طوريتو يصلح في الحوض حقها سلموا عليهو وبركات شال منو الطورية قعد يصلح في الحوض مشى مع المكاشفي وعمر علي الديوان ولقوا حسن والنور قاعدين حاج القسم رسل النور الدكان وقال ليهو جيب ليك بن وخلي امك او بتول اختك تسوي لينا جبنة وما عندو بنات غير بتول اصغر واحدة في اولادو وهي الحتالة
وحسن قال ليهو بعد يجي النور اخوك سوقو وأمشو لعمتكم النعمة في بيتها زوروها وللا سوقو وامشو اي مكان تاني علي كيفكم وما تقول ليهو ابوي القال لي أسوقك انا عندي كلام مع الجنوي ديل ما دايركم تعرفوهو
حسن زول كان طيبان وما بتدخل في حاجة ما بتخصو ولا عندو شغلة بحاجة ما عندو فيها شغلة اول ما جاء النور قعدوا شوية وساقو وفات


 


رد مع اقتباس
قديم 16-12-2018, 11:48 AM   #13



الصورة الرمزية أمل عطا المنان
أمل عطا المنان غير متصل

بيانات اضافيه [ + ]
 رقم العضوية : 23510
 تاريخ التسجيل :  Nov 2018
 أخر زيارة : 24-12-2018 (02:58 PM)
 المشاركات : 218 [ + ]
 التقييم :  14
 الدولهـ
Sudan
 الجنس ~
Female
لوني المفضل : Darkmagenta
افتراضي الحلقة السادسة



حسن ساق النور وفات والمكاشفي وعمر بعد قعدوا مع حاج القسم انتظروا لمن بركات جاب الجبنة والمكاشفي قال لحاج القسم عبد الغني الجزار عندو تلاتة بنات فوقن واحدة اسمها طيبة يوم كنا أنا وبلة الله يرحمو واليوم داك بلة كان جاء من الجامعة وقبل ما يمشي بيتهم لاقيتو انا في الطريق وقفما اتونسنا مساااافة وطيبة دي كانت بتقرا في الثانوي جات سلمت علينا انا وبلة وقالت لبلة كويس انك جيت اليوم والله عندي كترت حاجات ما فاهماها كتيرة شديد قال ليها اليوم مافي طريقة لكن انا قاعد كم يوم بجيكم واتبسموا سوا وفاتت
قلت ليهو دا شنو دا يا بلبل بقيت تغرد خارج السرب وللا شنو قعد يضحك وقال لي عليك الله شنو ليك ؟ دي زولتي وقاعد اذاكر ليها واشرح ليها في بيت ناس خالي هي ومروة بت خالي
حاج قسم قال ليهو خالو أحمد ابوعادل موش ؟ مروة دي أخت عادل ؟
قال ليهو بس ياها زاتها مروة اخت عادل
بركات لكز عمر وقال ليهو انت عارف الكلام دا ؟
عمر قال ليهو والله لو صبرت شوية داير اسألك نفس السؤال
المكاشفي قال ليهم الكلام دا قريب دا ما طول شديد وامكن ما تم ليهو تلاتة شهور بعدو بلة انكتل وانا والله قايلكم عارفين
عمر قال اول مرة اعرفو اها كمل كمل آ المكاشفي كمل كلامك
المكاشفي قال لحاج القسم اها يا عمي القسم هسي السؤال البفرض نفسو انت لشنو سألت من العلاقة البتربطو بعبد الغني الجزار ؟
حاج القسم قال ليهم انا كنت صاحي يوم انكتل ود الجيلي اخوكم دا واليوم داك سمعت لي تبة زول بجري بجاي علينا وبعدو سمعت صوت باب الجزار انفتح لا اقول ليكم انقفل واحد فوقن لانو بابهم مع فتحتو وقفلتو فيهو صوت وبسييك بصوت ظاهر وقوي وانا يوماتي بسمعو ومرات معاهو طقة ظاهرة اليوم داك سمعت الصوت لكن بعد السييكة الطقة ما سمعتها
هسي الدايرو منكم واحد يمشي فيكم هسي لبيت عبد الغني الجزار وهاكم دي القروش زي الداير ليهو لحمة ولو لقى الباب مفتوح بعد يشيل اللحمة يقفلو ويشوف بعد الباب يسييك طق دي مع قفلتو وللا مع الفتحة
بركات قال بمشي انا عشان ولدو ايمن بلعب معانا الكورة وصاحبي وقام فات
اول ما وصل لقى الباب مفتوح ومتكول بحجر عشان الهواء ما يقفلو ووقف جمبو ودقاهو جاء ايمن يتضاحك من هناك قام بركات دفر الحجر بكراعو وهو بسلم علي ايمن زي الما قاصد ودخل معاهو والباب انقفل وسمع سييييييك لكن الباب ما قال طق
وبركات وقف اتكلم مع ايمن شوية عن الكورة والتمرين والليلة بنغلبكم ووو وتاني قال ليهو داير لي لحمة ايمن قال ليهو الليلة الحاج ما ضبح تعبان شوية
بركات دخل لقاهو فعلا راقد عيان سلم عليو وكفر ليهو ومرق فتح الباب للاخر وقال طق بعد الصوت وتكلو بالحجر وفات
وصل بيتهم وابوهو قال ليهو الباب سمعناهو سيك مرتين وطق سمعناها في المرة التانية بركات قال ليهو مع فتحتي للباب سيك وقال طق لكن لم قفلتو المرة الاولى ما قالها
حاج القسم قال اذن واحد منهم يا ايمن يا عبد الغني ابوهو وانا متأكد من كلامي دا واحد فيهم كان برة وأكيد عارف القصة لانو لمن الباب كان مفتوح وبكون دخل وقفلو
عمر قال والله يا عمي ما شاء الله عليك دي ما بنتبه ليها اي زول وقال لبركات والمكاشفي اتذكرتوا كلامي لمن قلت ليكم في حاجات تشوفوها كدا تقولوا هايفة لكن احتمال تكون دليل او طرف خيط بوصلنا للمجرم
بركات قال انا لازم اعرف حدود علاقة المرحوم بطيبة دي قدر شنو لكن كيف ؟
يازول مالنا ومال طيبة نحن دا كلام المكاشفي عمر قال ليهو مالنا ومالها كيفن احتمال هي السبب في كتلتو
حاج القسم قال ليهم الزمن العلينا دا ما تستبعدوا اي حاجة والشي التاني قبل القى بلة مكتول في واحد لمن انا مرقت برة كان واقف جمب لفة دكان علي ولمن شافني زاغ وانا ما خليتو مشيت وراهو واتلبدت ليو بس ما عرفتو عمر قال ليهو كدي وصفوا لينا آ عمي
قال ليهم في الضلمة ديك ما انفرز لي كويس علا في وقفتو كان تاني رقبتو علي كتفو اليمين ولابس اسود في اسود
بركات قال ليو دا موش السألتني منو يا ابوي لمن قلت بيتهم بعند الزقاق الجمب بيت ناس عبد المعطي
قال ليهو ياهو زاتو
عمر قال ليهم الزقاق داك بودي فريقنا لكن دا منو الزول دا ؟ طويل قصير سمن ضعيفوني ؟
قال لا لا متوسط لا سمين ولا ضعيفوني ومايل للطول بس ما طويل زي المكاشفي دا كدا
والتلاتة قعدوا يفكروا فيهو
عادل وأيمن ود الجزار جوا بعند بيت القسم ببرة يتضاحكوا ساي ويتكلموا وصوتهم مسموع وديل ساكتين يفكروا قام بركات قال ليهم البضحك والبنضم دا ايمن ود الجزار ابوهو قال ليهو امرق عليو شوف مالو ومعاو منو
بركات مرق لقاهم في الطريق جاء راجع قال ليهم ايمن وعادل ابوهو قال لعمر قوم زي الماشي بيتكم وباريهم
عمر مرق وفات وراهم
حسن والنور جوا داخلين بعد عمر فات


 


رد مع اقتباس
قديم 16-12-2018, 11:51 AM   #14



الصورة الرمزية أمل عطا المنان
أمل عطا المنان غير متصل

بيانات اضافيه [ + ]
 رقم العضوية : 23510
 تاريخ التسجيل :  Nov 2018
 أخر زيارة : 24-12-2018 (02:58 PM)
 المشاركات : 218 [ + ]
 التقييم :  14
 الدولهـ
Sudan
 الجنس ~
Female
لوني المفضل : Darkmagenta
افتراضي الحلقة السابعة



عادل المتهم الأول في نظر حاج القسم وعمر لكن بركات والمكاشفي ما معاهم في الكلام دا عشان قالوا ما في حاجة بتخلي عادل يكتل بلة ود عمتو خاصة العلاقة بيناتهم كانت زي العسل وعادل ايام البكاء في ديوان الفراش اكان حزنان شديد واتحلف ساي انو لازم ينتقم من المجرم وانو دم ود عمتو ما بروح ساي فاستبعدوا الفكرة لكن بعد اجتمعوا تاني وبرضو في بيت حاج القسم عمر اقنعهم بإنو أي متهم بريء اكان ما ثبتت عليه الإدانة وبالدليل
بقت الخطة كدا مراقبة عادل مراقبة لصيقة شديد ولازم واحد منهم او اتنين يصاحبوهو صحبة قوية ويبحتوا ليهو في الماضية بطريقة ما تخليهو يشك انو مستهدف او مشكوك فيهو وما دايرين زول من الحلة يعرف انهم جاريين وراء القضية لا بقريب ولا بعيد
البوليس قفل القضية بعد حققوا مع الناس كلهم وأي زول كانت بتربطو علاقة بالمرحوم لكن ما لقوا أي طريق او طرف يمسكوهو قاموا دونوها ضد مجهول وتم قفلها نهائي والجيلي وزينب حمدوا الله على الجاهم وكل يوم يدعوا فيهو انو ينتقم ليهم من كاتل ولدهم بلة واتحسبوا واحتسبوا
المجرم التاني في نظر حاج القسم والشباب المعاهو عبد الغني الجزار أو أيمن ولدو واحد منهم لكن الاتنين مستهدفين من جانبهم
بعد ما حددوا التلاتة ديل قام حاج القسم قال لبركات انت عشان أيمن صاحبك شديد عليك انك تتقرب منو اكتر وأكتر وتصاحبو شديد جدا وتحاول انو يثق فيك شديد وتدردقو في الكلام لانو لو كان ليهو يد او هو الكاتل مصييرو يغلط او يسهى ويعتر في الكلام لانو كاتل الروح كلو كلو ما بروح قال ليهم تمام دي خلوها علي تب تب ولو هو بإذن الله أجيب ليكم قرارو
عمر والمكاشفي عليهم بعادل حاج القسم قال ليهم وانا معاكم وكل مرة نجتمع هنا ونشوف وصلنا لشنو ونتفاكر
حاج القسم ما كلم بركات واصحابو بالنور ولدو يوم الحادث وخوفو البدل علي انو وراو سر وقال في نفسو النور دا علي انا براي
مرت الأيام وبركات مشى قعد ليهو كم يوم في الخرطوم ورجع الحلة ويوم الصباح مرق من البيت ماشى دكان علي مرسلاهو امو يجيب ليها حاجات للبيت لاقتو طيبة في الطريق واقفة جمب الدكان وقفة غريبة زي المنتظرة ليها زول ولمن شافت بركات فرحت وقالت ليهو ود حلال يا بركات دايراك تجيب لي معاك كذا وكذا من الدكان وهاك دي القروش قال ليها مالك ما جبتيها براك قالت ليهو في واحد غريب في الدكان وبشاغل وأيمن نومو تقيل أبى يقوم يجي الدكان قال ليها عم علي وين ودا منو الغريب دا وكمان قليل أدب ورح معاي انشوفو بشاغل كيف عشان اطبز ليهو عينو قالت ليهو ما بعرفو جاء من وين ومافي داعي امشي معاك بستناك هنا بس انت جيبهن لي قال ليها سمح
دخل الدكان لقى ليهو شاب طويل وعريض ووجيه وبشوش يتضاحك ساي اول ما دخل بركات الدكان الشاب الغريب ابتسم ابتسامة عريضة وقال ليهو اهلا اهلا مرحب حبابك حبابك وعاين في بركات مسافة وقال ليهو النور ود حاج القسم ببقى ليك شنو ؟
بركات صاري وشو ما طرحو نهائي وقال ليهو انت بتعرف النور ود حاج القسم ؟
قال ليهو كيف ما بعرفو جاني هنا مرتين
قال ليهو انت منو زاتك والجابك هنا شنو وعم علي وين ؟
قال ليهو علي خالي قاعد وانا ود اختو باللفة كدا من حلة تانية أمي وخالي علي في الحساب اخوان امها بت النجيض ود..
بركات قال ليهو خلاس خلاس داير تحكي لي قصة حياتكم وللا شنو لا نجيض لا ني ادينا كدا وكدا وكدا خلينا النمشي ما فاضي ليك
الغريب سكت مسافة وبإبتسامة قال لبركات العفو ياخي ما قصدي والله بس انت سألتني وحبيت اوضح ليك بس وأنا اسمي حمد ود الشفيع انت منو قال ليهو ببرود بركات
_ود حاج القسم ؟
_اي ولد حاج القسم
_شفت انا من الشبه ساي عرفتك
_ شفت اي شاطر شاطر يللا مشينا
وشال حاجات طيبة وحاجاتو ومرق ومشى معاها في الطريق يتونسوا لمن وصل بيتو اداها حاجاتها وباقيها ودخل
طيبة عجبت بركات شديد بت سمحة بالجد ومؤدبة وهفت ليهو يسألها من بلة لكن قال لا بس عجبتو بعد ادى امو الحاجات مشى قعد في الديوان وشغل المسجل وقعد يفكر فيها ساااي وبعد مسافة خلاها ومسك في تفكير تاني في حمد ود الشفيع دا اللقاهو في دكان علي ، وجاء التور الديوان قفل المسجل وقال ليهو جنك اغاني حقيبة يا بركات وطلع الشريط ركب شريط عثمان حسين وقعدوا يتونسوا
حاج القسم من اليوم داك القعدوا فيهو آخر مرة قبل بركات يمشي الخرطوم وهو يراقب في النور من غير ما النور يحس بيهو ونهائي ما سألو من يوم الكتلة كان وين لمن النور اطمن وقايلو نسى
ويوم بالليل زي الساعة حداشر كدا حداشر ونص حاج القسم بنوم بدري بعد العشاء طوالي واليوم داك نايم في الحوش وهو ما نايم بالحيل لكن عامل نايم جاء النور زي الداير ليهو موية من الزير وعاين في ابوهو مسافة ومرق فات في ليلو داك وما فتح الباب تلب بالحيطة ومشى هناك لمن وصل دكان علي كتل ملف مع اللفة وابوهو القسم في قفاهو قاطرو من بعيد والنور فات هناااك ودخل بالزقاق الجمب بيت عبد المعطي الأذان ، حاج القسم خلاهو ورجع قال بعد يجي بقررو وبعرفو فات وين
بعد شوية وبعد اطناشر حاج القسم يسمع سيييك باب الجزار وبعد سييك معاهو طق
قال الباب دا انفتح لبد قبلو ورخى اضانو ويسمع صوت زول ماشي جاي بعند بيتو مرق لقاهو دا ايمن ودعبد الغني الجزار جا ماشي بعندهم وبرضو كتل الملف داك ومرق وراو وشافو لمن دخل بالزقاق رجع سريرو وصنقر يسبح منتظر جية النور ، لكن النوم غلبو رقد نام


 


رد مع اقتباس
قديم 17-12-2018, 01:35 PM   #15



الصورة الرمزية أمل عطا المنان
أمل عطا المنان غير متصل

بيانات اضافيه [ + ]
 رقم العضوية : 23510
 تاريخ التسجيل :  Nov 2018
 أخر زيارة : 24-12-2018 (02:58 PM)
 المشاركات : 218 [ + ]
 التقييم :  14
 الدولهـ
Sudan
 الجنس ~
Female
لوني المفضل : Darkmagenta
افتراضي الحلقة الثامنة



النور جاء علي البيت زي الساعة تلاتة تلاتة ونص كدا وكان معاو أيمن ود الجزار وتلب براحة بالحيطة زي الكديس مافي زول سمع تليبتو وابوهو ولا صحى بيهو لكن النور جاهو احباط لمن لقى سريرو فاضي وما فيهو لحاف وخاف خوف شديد لانو متأكد انو طلعو واخد ليهو رقدة فوقو قبل يفوت ، في اللول قال يصحي حسن وللا بركات يسألهم من الدخل اللحاف في الديوان منو لكن تاني خاف ابوهو يصحى بيهو دخل الديوان يجيب اللحاف ما لقاو عرف انو دا ابوهو جاء لقاو مافي وشال اللحاف معاو ، وبقى لا قادر يمشي بهناك يجيبو ولا قادر يرقد في السرير برا لحاف وينوم مشى صحى بركات ورقد جمبو يفكر ليهو في كضبة يقولها لابوهو ينحل بيها بكرة ونام
حاج القسم الصباح بدري مرق فات السوق واتعمد يفوت بدري عشان ما يلاقي النور والنور بعد صحى مشى جاب لحافو من بهناك ولقى ابوهو مافي ارتاح نسبيا لكن شايل هم بعد جيتو يسألو أمو ما عارفة شي ولا عارفة الجاب اللحاف حق النور دا شنو بجاي سألتو أكل ليها الكلام ساي لا عرفت السبب ولا اهتمت تعرف قريب الضهر كدا حاج القسم جاء والنور متوقعو يناغم ليهو ويسألو وبقى قاعد قلقان متوتر ويجهز كضبة ويغيرها وغالباهو القعدة في الديوان وما عارف يسوي شنو ، بركات يتكشم ساي والنور متغاظ قام بركات مرق وقال للنور كتلوك ولا جوك جوك وفقع ليهو ضحكة وفات مارق مشى علي دكان علي لحمد والشفيع يشوف قصتو شنو ما مرتاح ليو
حاج القسم نهائي ما اشتغل من بالنور ولا سألو
والنور بقت عليهو القالها بركات زاتها كتلوك ولا جوك ولمن اتوتر واتضايق تب وغلبو القعاد فات براو لابوهو لقاو يشرب في الجبنة مع امو وقعد معاهم وشرب الجبنة ومنتظر ابوهو يكلمو حاج القسم ما كلمو نهائي وبعد اخد قعدتو معاهم مرق فات الديوان ولسة ما ارتاح وشوية كدا وأبوهو جاء مارق في الحوش وكورك ليو قولت يا النور جاهو جاري جري شايل الكضبة في خشمو بس العقرب المالي ضنبها السم وحارقها وقبل ابوهو يسألو قال ليهو أمس أنا كنت مع...
حاج القسم قاطعو وقال ليهو هاك القروش دي امشي الدكان جيب ليك زيت لأمك ولا خلاهو يكمل ولا اهتم يعرف النور شال القروش وباغة الزيت وفات محتار
المكاشفي بقى صاحب عادل شديد وطوالي معاهو ومرافقو وملازمو تب والمكاشفي زول موهوب وظريف النوع البصاحب سريع وبقى يقرب عادل شوية شوية من عمر لمن التلاتة بقوا اصحاب وطوالي مع بعض بجاي بركات بقى يومي مع أيمن في بيتهم ومرات من الكورة بعد ينتهي التمرين بمشي معاهو بيتهم يجي مع صلاة العشاء وبالنهار بس الا ما يفطر طوالي بمشي لايمن في البيت عملها ظاهرة ومن كترت المشية والجية والساساق بقى يحب طيبة
حمد ود الشفيع صاحب الحلة كلها بلسانو السمح وكلامو الحلو وطوالي الدكان مفتوح ولا بقفلو وعندو حب استطلاع عجيب وغريب اي شي بتحشر فيهو بس بطريقة ما كرهت فيهو الناس. وبتاع نكتة وجنو ضحك ومع كل الناس تعاملو واحد وحلو الا مع طيبة بس البختلف وهي زاتها ما بتجي الدكان كتير لكن لو جات بعندو ساي معاينتو ليها غير معاينتو للناس
مرة جات الدكان مجبورة وكانوا معاهو كم زبون بايعها آخر واحدة وقال ليها دايرك في موضوع أنا وعندي كلام كتير داير اقولو ليك قالت ليهو كلام شنو وبتعرفني من وين انت ؟
قال ليها بعرفك كويس بس انتي وقبل يكمل كلامو اليوم داك جاء بركات الدكان واللتنين اتكبكبوا واتلخبطو وطيبة فاتت ولا شالت حاجاتها لمن بركات لحقها وناداها وقال ليها دايرة شنو والزول دا كان بقول ليك في شنو ؟ قالت ليهو مافي شي وورتو الدايراهو شالتو وفاتت وبركات قعد يحقق مع حمد وحمد بالكلام يراوغ ويتزاوغ ما اخد منو لا باطن ولا ظاهر لكن بركات ختاو في راسو تب خاصة بعد كبكيبتو لمن جاء داخل وقطعتو لكلامو مع طيبة
حاج القسم جمع المكاشفي وبركات وعمر وقعدوا في الديوان وقال ليهم اها وروني العملتوهو شنو المكاشفي قال ليهم عادل دا انا اكتر واحد قربت منو شديد وما نضيع زمنا معاهو ساي لانو ما كتل بلة ولا عندو علم بالكتلو ، وعمر زاتو وافقو في الراي وقال ليهم الزول دا كلمة ساذج زاتها كتيرة عليهو وخواف وطيبان وما اعتقد يكتل ،.
حاج القسم قال ليهم دليلكم شنو انو ما هو الكتل بلة احتمال عارف الليلتنا وعارفكم صوحبتوهو لشنو وعارف انكم متهمني وزول بارع وقدر يقنعكم بإنو طيرة ساي ؟
المكاشفي اتلفت علي عمر وقال ليهو معقولة ؟
عمر مط خشمو ورفع اكاتفيهو وقال جايز
بركات معاهم ولا معاهم لمن المكاشفي لكزو قال ليهو ها وين انت ؟
بركات ولا كضب وقدام ابوهو قال ليهم معليش يا ابوي انت من زمان معودني علي الصراحة وهسي انت صاحبي زي عمر والمكاشفي ديل واحترامك ومقامك ومكانك محفوظ وفوق راسي لكن عندي كلام ما بقدر ادسو منكم وقدر ما حاولت ما قدرت ابوهو قال ليهو قول ساي آ ولدي كتر خيرك
قال ليهم والله وبصراااحة كدا انا بحب طيبة
التلاتة فقعوها ضحكة وخاصة ابوهو وقال ليهو مالو الحب مو عيب .
قال ليهو ما عيب والله ولا باليد وانا كلمتكم ما عارف ليه لكن احتمال يكون دا وهم ساي عشان انا بمشي ليهم وبشوفها كتير
المكاشفي قال احتمال برضو لكن خلينا من طيبة هسي اها ايمن رايك فيهو شنو ؟
بركات قال ايمن دا لغز والله ورغم مباراتي ليهو اليومي دي غلبني افهمو كلو كلو
والغريبة فيهو والاكتشفتها قريب بسكر وبلعب قمار بس متين ومع منو ووين ما عارف
قام ابوهو قال ليهو طيب عرفتو كيف بسكر وبلعب قمار قال يوم مشيت ليهو الصباح لقيت ريحتو عرقي وبايتة معاهو وهو براو كلمني لكن ابى يوريني مع منو ووين
حاج القسم سرح مسافة وهوزز راسو


 


رد مع اقتباس
قديم 17-12-2018, 01:36 PM   #16



الصورة الرمزية أمل عطا المنان
أمل عطا المنان غير متصل

بيانات اضافيه [ + ]
 رقم العضوية : 23510
 تاريخ التسجيل :  Nov 2018
 أخر زيارة : 24-12-2018 (02:58 PM)
 المشاركات : 218 [ + ]
 التقييم :  14
 الدولهـ
Sudan
 الجنس ~
Female
لوني المفضل : Darkmagenta
افتراضي 10-9



حاج القسم ناغم للنور من الصباح وقال ليهو دايرك تمشي معاي مشوار ما تمرق اي فجة
قال ليهو مشوار وين يا ابوي ؟
قال ليهو بوريك بوريك وما ماشين هسي بعد نفطر
النور اتضايق ضيق شديد وعارف ابوهو ما بخليهو وبسألو من مرقتو حقت يومداك وبقى تاني يجهز في الكضبة فكر في الكضبة الجهزها لابوهو اليوم داك لقاها بايخة خلاس وما منطقية ولا بتتصدق زاتو وحمد ربو انو ما سألو يومها وقال في نفسو معقول كنت داير اقول كدا البركة البركة الما قلتها ليهو لكن الليلة اقول شنو ؟
بركات وحسن طلعوا من الصباح والنور قاعد براو في الديوان يفكر وشاف نفسو زي المقيد ومربوط وحسد بركات وحسن اخوانو انو ما عندهم اي هم ولا ابوهم شغال بيهم
وفي تفكيرو وهمو وضيقو جاهو ابوهو النور تترب وقف علي حيلو وقال ليهو نقوم يا ابوي ؟
قال ليهو لا المشوار خليتو قوم امرق اكان مارق والنور زي الكان شايل ليهو جبل هموم وختاو ومرق فات جري ولا عارف يمشي وين بس الكويس انو انحل من ابوهو وما سألو
حاج القسم قاصد ما يسألو وعارف لو سألو بكضب قال اخليهو عايش كدا بس لمن براهو يجي ويقر لأنو لو جاء بكون ما داير يكضب وللا داير يكضب عشان يريح نفسو من الحرب النفسية دي
بركات مشى لايمن من الصباح صحاهو من النوم وقال ليهو قوم قوم اليوم دايرين نمشي نفطر مع عمر صاحبي عندهم كرامة
ايمن ما صاحب عمر شديد لكن بلاقيهو مع عادل والمكاشفي وبركات طوالي ما رفض يمشي بس قال داير يستحمى ، بركات زول وناس وخلوق والناس كلهم بريدوهو وبخش اي بيت وناس الحلة زاتهم كلهم متداخلين جات طيبة لبركات في الديوان جابت ليهو شاي ولايمن اخوها بركات قعد يتونس معاها وهم طوالي قاعدين يتونسوا سوا علا المرة دي بركات كلامو ونظراتو اتغيرت لمن هي زاتها حست بكدا واتبسمت واضطربت ومشت بهناك جري
وهو ما قال ليها غير تسلمي ومشكورة كتير يا الغالية وربنا يخليكي لي وما اتحرم انا نهائي من الوش الصبوح دا
فاتت وتاني تب ما مرقت عليهم خجلت والرسالة اللمح ليها بركات بكلامو دا وصلتها تب
قعدت بهناك تفكر سارحة بعيد وبتفكر في شنو ما عارفة بس في حاجة مخلياها زي التقول سعيدة كدا وللا ما عارفة روحها مالها وزي الفرحانة فرحانة
بركات شاب محترم ووجيه ومن النوع البتحبا خاصة انو بقى ليها مألوف لانو يومي بجيهم وما كانت منتبهة ليهو لكن بعد كلامو دا مشاعرها اتحركت ،
مرقوا بركات وايمن وخلتهم لمن قربوا من الباب حق الحوش حتى مرقت من الاوضة وما اتلفتو عليها قامت كوركت لأيمن قالت ليهو الفطور ماشين وين ؟
بركات لمحها لمحة صغيرة وطلع ودي الكانت دايراها رغم انها صغيرة لكن فرحتها شوية وأخير من يفوت ساي وهو زاتو أكان دايرها لكن قدام اخوها قصد ما يركز
ايمن وراها انهم فاطرين برة وفات مع بركات
النور شاف ابوهو ما شغال بيهو حاول يتناسى الموضوع ومشى دكان علي لحمد ود الشفيع قعد معاو شوية وجاء البيت لقى ابوهو في الديوان ومعاهو حاج صالح جارهم ومعاهو عبد المعطي المؤذن يتكلموا عن الجامع والحاجات الدايرين يعملوها فيهو والنور سلم ورجع لكن ابوهو قال ليهو جيب لينا الفطور من بهناك ولمن جابو قال ليهو اقعد اكل معانا
النور قعد قام حاج القسم ساب موضوع الجامع وسأل حاج عبد المعطي المؤذن وعينو في النور قال ليهو اها وود الجيلي الكتلو ما اتعرف منو ؟
المؤذن قال ليهو لسة مافي شي جديد النور مدنقر وفت قام ولا كمل فطورو ابوهو قال ليهو ما تاكل آ جنى مالك قمت ؟
قال ليهو شربت لي شاي قبل شوية وغسل يديهو وفات الموية ما شربها
بركات وايمن والمكاشفي فطروا مع عمر وعادل ما جاهم لكن النور مرقتو من البيت فات ليهو في بيتهم وديل بعد فطروا برضم فاتوا لعادل ما عدا عمر قال ليهم امشوا قدامي وبلحقكم
النور وعادل زي الداسين شي ولمن ديل جوهم النور ما قعد معاهم كتير فات دكان علي لحمد عامل ليهو صحبة معاو
بالليل النور سريرو ما طلعو وقاعد جمب خشم الباب ما دخل وانتظر ايمن جاهو وفات معاهو والمرة دي ما اشتغل بأبوهو كتير لكن ابوهو تابعو لمن دخل ديوان ناس عادل وانتظر زي نص ساعة كدا ودخل وراهو لقى عادل وحمد ود الشفيع الشغال في دكان علي معاهم وفي واحد غريب اول مرة يشوفو وايمن والنور ولدو وتاني اتنين من الفريق داك
وطوالي سألهم عندكم شنو انتو كل مرة بتتجمعوا هنا بالدس ؟
النور قال لابوهو ما عندنا شي وانا لمن اجي البيت بفهمك كل شي ،
قال ليهو لا تفهموني هسي
قام الشاب الغريب طلع ليهو كارنيه انو ضابط في الأمن ومكافحة المخدرات وديل كلهم مجندين معانا جداد وعندنا عملية بعد كم يوم قريبة من هنا ماشين عليها واقنعو تمام التمام وقال ليهو بس الكلام دا لو طلع منك ما تلوم الا نفسك وبينك وبين نفسك ما تتكلم بيهو
حاج القسم اقتنع بكلامو دا وفات خاصة انو قبل فترة جاء واحد سكن معاهم جديد في الحلة وطلع مجرم كبير وعندو عصابة والحلة والحلال القريبة منها بقت لامة ناس كتار أغراب يادوب كدا حاج القسم بقى مرتاح من جانب النور ولدو ومبسوط منو

النور بقى يمرق من البيت ويجي علي كيفو وفي أي وكت مرات بجي بعد الشمش تطلع وحاج القسم ولا بسألو نهائي ومبسوط منو وقال لحاجة فاطنة مرتو النور دا طلع اكتر واحد فالح في أخوانو وانا متكيف منو كيف شديد
قالت ليهو فلاحتو شنو ؟ وحاة النبي الفالح فوقهم حسن هو وحدو الشغال وشايف مشهادو فيهم النور دا انا عندو مرقات وتليب حيط مع انصاص الليالي شفتو كم مرة انا
حاج القسم بعد داير يكلمها ويوريها انو شغال في اللمن اتذكر كلام الضابط القال ليهو عندنا مهمة سرية ولو فتحت خشمك ما تلوم الا نفسك طوالي سكت وقال ليها خليو يتلب ومالو
وقام مشى الديوان ناغم للنور جاو برة بعيد من اخوانو وقال ليهو تاني ما تتلب بالحيطة افتح الباب ساي ولو بقيت مارق بالليل عشان عندكم اجتماع ما تقفلو خلي باب الحوش متاكى ساي وفوت
النور اتردد وتمتم وقال ليهو سمح يا ابوي
بالليل النور فات زي الساعة واحدة وابوهو صحى بمرقتو رفع راسو ودعى ليهو وقام مشى فتح ليهو الباب وخلاهو متاكى
بعد ساعتين وشوية حتى النور جاء بس ما فتح الباب وتلب بالحيطة ورقد
بركات صحى بيهو وقال ليهو انت ما بتتوب الا تعمل ليك مصيبة قام النور نهرو وقال ليهو نوم نومك ما اقوم عليك أكفتك
بركات قال ليهو سمح اتكلم براحة ما تصحي الفريق ، وانت عارف ابوي نومو خفيف وبصحى سريع ولو صحى بكتلك
النور سكت ساي ما نضم تاني لكن حاج القسم كان صاحي وواقف جمب الحيطة وسامع كل كلامهم
المكاشفي وعمر وبركات برضهم عرفوا لمة الشباب ديل والمكاشفي مراقبهم كويس لانو بيتهم قريب من ديوان ناس عادل
فاجتمعوا يوم في بيت ناس عمر وقالوا الشباب ديل هم الكتلوا بلة ومافي زول غيرهم ونحن لازم نواجههم بس كيف ونحن ما عندنا دليل
قام بركات قال ليهم نمسكهم واحد واحد
وانا شايف نبدا بالاغراب اول
اللي هم سامي وحمد ود الشفيع ، وسامي دا الطلع لحاج القسم الكارنيه وقال ليهو انا ضابط في الامن
اتفقوا علي كدا وختوا سامي وحمد تحت المراقبة
حاج القسم كلام بركات مع النور السمعو قبل كم يوم بالليل ما ريحو تب وبعد ما كان متكيف من النور شعر انو زي المغفل مغفل وقرر تاني يتابعو بس من بعيد لبعيد
النور قعد ليهو اكتر من اسبوع ما مرق من البيت ويوم بالليل كان بتلصص ومضطرب كدا ويمرق ويدخل حاج القسم عمل ليهو فيها نايم والنور مرق لكن قبل يمرق جاب ليهو مخدتين وبطانية وغطاهن بملاية في سريرو والبشوفن كلو بقول النور نايم
حاج القسم خلاهو لمن مرق ومرق وراهو ومباريهو من بعيد بحيث انو ما يشوفو
المرة دي النور ما فات بالطريق المعتاد وعكسو ما مشى بيت ناس عادل وكان بتلفت كتير وابوهو قاطرو تب والنور اتلفت مسافة لمن اتأكد انو الشارع فاضي ودخل بيت سعيد الباب حقو أكان فاتح وقفلو بوراهو
حاج القسم استغرب واحتار وقال الولد دا الدخلو بيت الناس ديل شنو في الليل دا ؟
ورجع البيت ويشيل ويعاين لمن النور جاء قام حاج القسم مشى ليهو قال اسألو لكن تاني قال اخليهو للصباح
بركات صاحب حمد ود الشفيع وبقى يومي بجيهو في الديوان هو وعمر والمكاشفي بصحبتو لعادل صاحب سامي وبقى يجيهم يساهر معاهم بس لا بشرب ولا بلعب قمار
حاج القسم ما سأل النور ومشى يشمشم ويسأل من أخبار سعيد داير يعرف علاقتو شنو بالنور ولدو ولقى ما عندو أي علاقة بيهو لكن الجاب النور ولدو بيتو شنو ما عارف ود الحيرو زيادة
علاقة طيبة وبركات اتطورت وبركات صارحها بحبو ليها وهي زاتها حبتو وبقوا طوالي بتلاقو
وبتكلموا مع بعض ، ويوم بركات جاب ليها سيرة بلة وسألها عن علاقتها بيهو سكتت مسافة وقالت ليهو الله يرحمو بلة كان من احسن الشباب وقالت ليهو ما بكضب عليك انا حبيتو واتأثرت كتير بموتو لكن دي حال الدنيا كلنا منها ماشين
قضية بلة مازالت غامضة والكتلو لسة ما اتعرف ولا في دليل بوصل ليهو واهلو زي ما قلنا احتسبوهو واتحسبنوا الله
ويوم الحلة بعد ما كانت هادية صحت من الصباح على خبر حمد ود الشفيع الشغال في دكان علي لقوهو مكتول ومرمي جمب الخور الفيهو العشر


 


رد مع اقتباس
قديم 17-12-2018, 01:38 PM   #17



الصورة الرمزية أمل عطا المنان
أمل عطا المنان غير متصل

بيانات اضافيه [ + ]
 رقم العضوية : 23510
 تاريخ التسجيل :  Nov 2018
 أخر زيارة : 24-12-2018 (02:58 PM)
 المشاركات : 218 [ + ]
 التقييم :  14
 الدولهـ
Sudan
 الجنس ~
Female
لوني المفضل : Darkmagenta
افتراضي 11



حمد ود الشفيع بعد لقوهو مطعون وميت ومجدوع في الخور الملان شدر عشر الحلة كلها اتملت بواليس وما خلوا ليهم زول بيتو قريب من الخور الا وحققوا معاو وكمان حققوا مع أي زول كانت بتربطو علاقة بحمد رغم انو ما طول في الحلة من يوم جاها
حمد شالوهو ودفنوهو في حلتو الجاء منها عند اهلو وحاج علي رجع لدكانو واتضح بعد كتلة حمد انو حاج علي دا لا قريبو ولا شي مع انو حمد كان مفهم الناس البسألوهو انو خالو باللفة طلع كلام ساي وما بتربطو بيهو اي صلة قرابة
بركات في الفترة الأخيرة كان مصوحبو شديد واكتر واحد حققوا معاهو لكن الكاتل برضو ما اتعرف ولا لقوا دليل يقودهم ليهو لانو الزول دا ما طول والعرفهم كلهم اصحاب ساي
وتاني اجتمعوا الاصحاب التلاتة المكاشفي وعمر وبركات مع حاج القسم وبعد ما كانت قضية بقت قضيتين وقعدوا يحللوا في الأحداث ووصلوا لانو الكتل بلة هو نفس الزول الكتل حمد ود الشفيع لكن الرابط شنو بين الاتنين ديل خاصة انو حمد ما حضر بركات ولا بعرفو وظهر بعد ما مات مكتول
بركات قال ليهم والله يا جماعة انا في حلقة مفقودة او خفية وصلت ليها قبل حمد ما ينكتل قالوا ليهو شنو قال والله ما عارف لكن آخر مرة كنا سوا حمد دا جاب لي سيرة بلة وسألني من حاجات في الحلة دي ما عارفو عرفها كيف
عمر قال ليهو بركات ياخ ما توضح كلامك
قال ليهو سمح تتذكر يوم كنا انا وانت جايين من التمرين وانا قلت ليك ارح نشرب لينا بارد من دكان حمد وانت قلت لي ما داير ؟ قال ليهو بتذكر اها ؟قال ليهم انا مشيت لقيت حمد ما على بعضو كدا وزي الكان مشاكل ليهو زول وزعلااان وانا ما لقيت معاو زول لكن شايفو ما ياهو شلت منو البارد وقلت ليهو مالك ؟ قال لي لا لا مافي شي وانا ما كترتو معاو قام براو قال لي سعيد متزوج بت منو من الحلة انا لمن انخلعت وقلت باستغراب سعيد منو ؟
قال لي في كم سعيد هنا في الحلة ؟
قلت ايهو سعيد ود الرضية ؟ قال لي امو اسمها الرضية هي اي ياهو البيتو في كدا عليكم وبابو ظهري قلت ليهو اي ياهو سعيد ود الرضية مالو ؟ قام تاني سألني متزوج بت منو في الحلة قلت ليك ، انا قلت ليهو ما متزوج من الحلة ومرتو من برة مالو ؟ لا لا سألتك ساي قال لي وتاني غير الموضوع
حاج القسم طوالي اتذكر النور ولدو لمن باراهو بالليل ولقاو دخل بيت سعيد وما سألو تاني وسرح بعيد منهم يفكر في النور وقال معقول ود الرضية زاتو جندوهو معاهم في اللمن ؟
سعيد ود الرضية دا عندو تركتر بحرت بيهو البلدات وزول طيرة ساي ما الزول داك البعرف لشغل الامن دا لكن علاقتو شنو بالنور وليه حمد ود الشفيع سأل بركات منو ومن مرتو
وحاج القسم بقى كأنو ما قاعد معاهم لمن بركات لكزو قال ليهو يابا حتى اتلفت عليهم وقال ليهو اها كمل كمل بركات ضحك وقال ليهو اكمل شنو تاني ما وريتكم
عمر قال اول حاجة يا جماعة تعالوا نعرف حمد ود الشفيع دا منو والجابو الحلة دي شنو ومفروض نمشي لعم علي سيد الدكان نعرفو لقطو من وين ؟
حاج القسم قال ليهو عمكم علي دا خلوهو علي بجيهو بفوق وبعرف منو كل شي دا زولي انا خلوهو علي دا علي انا تب وهدا دربي ماش ليهو في الدكان دي مواعيد جبنتو وانتو شوفو قصة سعيد دي شنو
حاج القسم مرق وصلح طاقيتو وشال عصاتو وفات لقى حاج علي عندو عنقريب قصيروني مرقو قدام الدكان وخاتي جبنتو قدامو ويكبكب ويجغم وحاج القسم قنب معاو
اتونس معاو مسافة وفتحوا ليهم كم موضوع وفي الآخر قال ليهو اها آ علي أخوي الولد الكنت مشغلو في دكانك دا الانكتل دحين ما انعرف الكتلو منو ؟
حاج علي قال ليهو ما كنت مشغلو والجنى دا كان مستأجر مني الدكان والله ولد ما شاء الله عليهو شغيل وبياع خلاص ومرتب وفالح والله اكتل وكتلت فيهو انا كتلة ما بتعوض تاني الله يرحمو ، حاج القسم قال ليهو وانت جبتو من وين ؟ قال ليهو والله جاني براهو لا جبتو ولا شي
_كيف جاك براو
_جاني براهو والله انا بوريك علا الكلام دا ما يمرق آ القسم أخوي
_يمرق لمنو انت خابرني قول ساي
_ان ما خابرك عاد بوريك ؟ علا بس عشان الكلام سر قلت ليك كدا
_لا لا قول ساي ما تخاف ما بمرق
_ اها بعد انكتل ود الجيلي بلة جوني تلاتة بواليس لابسين بناطلين وقمصان قالوا لي دايرين دكانك دا نأجروا منك وبنقعد فوقو واحد ودفعوا لي مقدما حق شهرين قال الزول دا بنقعدوا فوقو وهو بوليس سري
_بوليس سري عديل ؟
_آي عليك أمان الله بوليس سري وختوهو عشان يعرفوا الكتل ود الجيلي منو اها البوليس زاتو انكتل اظنو انكشف وللا عرفلو شي
_ ها زول ها بلا عليهو قوي ومعضل الله يرحمو يعني جاء لكتلتو المسكين وراح ساي ولا انعرف شي
_آي والله راح ساكت وجابوهو عشان يقبض الكاتل انكتل هو شوف العوجة دي كيفن
_حلتنا دي كان كدي بقت كعبة تب آ علي لكن باقي لك البوليس بسكت ؟
_اسكت كيفن غايتو الله يكضب الشينة
بركات والمكاشفي وعمر قالوا سعيد دا الدخلو شنو هسي في المواضيع دي عمر قال ليهم والله انا راسي زاتو شاطب وقدر ما نمسك حاجة نلقاها باعدة بينا بعيد والحل شنو ما عارفين كدي ننتظر عمنا القسم يجي ونشوف قصة حمد دي شنو وبعدين نشوف
حاج القسم جاهم شايل ليهو رطل سكر ووقية ليلت بن وحب شاي اداهن بركات يوديهن لامو وقال ليهو قول لاختك سوي لاخوانك ديل شاي وقعد معاهم قال ليهم هوي المشكلة دي كبرت تب قالوا ليهو كيفن كبرت تب
قال ليهم حمد ود الشفيع طلع عسكري بوليس بوليس سري
اي واحد قعد يعاين في التاني مستغربين وبركات قال ليهم والله انا كنت شاكي لكن ما قلت ليكم وعرفتو الزول دا ما ظهر فجأة كدا ساي
المكاشفي قال والله زي ما قلت يا عمي الحكاية دي كبرت تب ما دام جابت ليها بوليس سري وكمان كتلوهو
حاج القسم قال ليهم البوليس ما ظنيتو بسكت وحلتنا دي بقلبوها فوق تحت ولازم الكاتل دا يتعرف دا اذا كان نفس الكتل بلة
عمر قال يعني حمد ود الشفيع كان ماشي صاح ولو ما عرف ليهو حاجة ما كتلوهو ونحن مفروض نباري دربو اكان ما يكتلونا نحن برضو


 


رد مع اقتباس
قديم 17-12-2018, 01:39 PM   #18



الصورة الرمزية أمل عطا المنان
أمل عطا المنان غير متصل

بيانات اضافيه [ + ]
 رقم العضوية : 23510
 تاريخ التسجيل :  Nov 2018
 أخر زيارة : 24-12-2018 (02:58 PM)
 المشاركات : 218 [ + ]
 التقييم :  14
 الدولهـ
Sudan
 الجنس ~
Female
لوني المفضل : Darkmagenta
افتراضي 12



النور قام بالليل مرق براحة براحة المرة دي حاج القسم ما صحى بيهو وعمل نفس الحركة حقت المرة الفاتت ختا ليهو مخدتين في سريرو وعملن زي الزول النايم وفات بيت سعيد سيد الترتر سعيد أكان منتظرو واول ما دخل النور لقاهو مصنقر في الحوش وخاتي عرقيهو قدامو ومعاو ايمن ود الجزار قعد معاهم وكبوا ليهو وشرب
عادل ما جاهم اليوم داك ولا لعبوا قمار شربوا واتونسوا شوية والنور قال ليهم ماشي البيت ، ايمن قال ليهو اها قبل تمشي ورينا اخبار الكشافة شنو ؟
قعد يضحك وقال ليهو شايفهم امس مجتمعين وكتلت حمد ود الشفيع دي محيراهم شديد وقالوا لازم يصلوا للكاتل ، قام سعيد قال ليهو اها المرة دي شاكين في منو ؟
قال ليو والله ما عارفهم لكن سامعهم بتكلموا عن حمد وقالوا بوليس سري
أيمن قال ليو والله الناس ديل شغالين بالفارغة وتاعبين روحهم ساي في الفاضي وعمر دا عامل فيها ولا ابو عرام وانا اصلي ما ردتو الزول دا
قال ليهم ما علينا منهم خليهم براحتهم بس زي ما قلت شغالين بالفارغة
سعيد قال ليهم والله انا بقول الناس ديل ما تستهونوا بيهم كدا وانا شايفهم كلهم فاهمين واحتمال كبير يصلوا للقاتل قبل البوليس
النور مشى البيت والمرة دي لقى ابوهو نايم ليهو في سريرو واول ما دخل ابوهو قام ليهو والمرة دي برضو ما اتكلم معاهو وقام فات بهناك علي سريرو
النور رقد في محلو ونام صحى قريب الساعة تسعة لمن جاتو الشمش وبعد استحمى مشى عديل علي ابوهو وقال ليو امبارح كان عندنا اجتماع يا ابوي
_ابوهو قال ليهو خير خير تب
_الاجتماع دا سري للغاية ياابوي عشان كدا انا ختيت المخدات في سريري
_ اللجتماع الامس خليو بس قبل كم يوم مرقت بالليل مشيت وين؟
_برضو كان عندنا اجتماع وفي بيت ناس عادل
_لكن انت ما مشيت ناس عادل . مشيت وين؟
النور نسى وكان متأكد انو مافي زول كان مراقبو قام قال ليهو لو ما مصدقني اسأل عادل
حاج القسم سكت وعاين في النور وقال ليهو يعني ما مشيت بيت سعيد
النور انخلع وقعد يتمتم واتكبكب ونكر حطب وقال ليهو مشيت ناس عادل البوديني بيت سعيد شنو
قال ليهو شفتك بعيني دي البياكلها الدود لمن دخلت بيت سعيد وهسي عشان تنكرك دا الا توريني الوداك بيت سعيد شنو ؟
النور لمن لقى ابوهو متأكد قال ليهو صاح يا ابوي لكن عندنا مهمة سرية ونحن محلفننا ما نتكلم بيها وسعيد زاتو مجند معانا
قال ليو سمح امش آ ولدي لكن تاني اوعك تكضب علي
النور فات مبسوط وشايف روحو اتحلا من ابوهو ولو مؤقتا لكن عارفو ما بخليو
عربية البوليس جات شاقة الحلة وهي طوالي بتجي لو ما كل يوم ما بتغيب اكتر من يومين لكن المرة دي جوا وما وقفوا الا في بيت حاج القسم وساقوا معاهم بركات الناس قايلنهم سايقنو عشان يحققوا معاو ويجي راجع لكن ما رجع ودخلوهو الحراسة متهم في كتلة حمد ود الشفيع والناس قعدوا يجقلبوا
المكاشفي وعمر وحاج القسم والنور وحسن وعادل كلهم جروا وراهم ومشوا ليهو في المركز وحاولوا مع الضابط عشان يفكوا وللا يوريهم سبب اتهامو
الضابط قال ليهم الزول دا متهم وحاليا بريء حتى تثبت ادانتو ونحن ما مسكناهو ساي لو مافي دليل ما مسكناهو حاج القسم قال ليهو الدليل شنو
الضابط قال ليهم لسة في تحقيقات وانا ما مخول اوريكم الدليل الا بعد انتهاء التحقيق معاهو لكن هو المتهم في قتل حمد ود الشفيع وقال ليهم ياريت ترجعوا الحلة ولو احتجنا ليكم بنستدعيكم


 


رد مع اقتباس
قديم 18-12-2018, 07:57 PM   #19
مشرف سابق



الصورة الرمزية عركي
عركي غير متصل

بيانات اضافيه [ + ]
 رقم العضوية : 22092
 تاريخ التسجيل :  Oct 2016
 أخر زيارة : 22-07-2019 (09:49 PM)
 المشاركات : 895 [ + ]
 التقييم :  87
لوني المفضل : Cadetblue
افتراضي



الكاتب مجاهد يوسف البشير
مدهش وفيه من الواقعيه الكثير
شكرا امل


 
 توقيع :
وامشي بين الناس واتحسس خطواتهم
فالاحترام امنية تصارع خطواتي


رد مع اقتباس
قديم 19-12-2018, 11:15 AM   #20



الصورة الرمزية أمل عطا المنان
أمل عطا المنان غير متصل

بيانات اضافيه [ + ]
 رقم العضوية : 23510
 تاريخ التسجيل :  Nov 2018
 أخر زيارة : 24-12-2018 (02:58 PM)
 المشاركات : 218 [ + ]
 التقييم :  14
 الدولهـ
Sudan
 الجنس ~
Female
لوني المفضل : Darkmagenta
افتراضي



اقتباس:
المشاركة الأصلية كتبت بواسطة عركي مشاهدة المشاركة
الكاتب مجاهد يوسف البشير
مدهش وفيه من الواقعيه الكثير
شكرا امل
عركي

صباح الخير

مجاهد متفرد للحد البعيد


شاكرة لك


 


رد مع اقتباس
إضافة رد

مواقع النشر (المفضلة)

الكلمات الدلالية (Tags)
الموت, رواية, غلاء

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
في ظلال اية غزال كردفان منتدى القران الكريم وعلومه 0 25-07-2014 12:33 PM
واجب المسلم نحو أخيه المسلم الذى يعالج سكرات الموت وبعد الموت حسن العجوز YouTube النيل الازرق 0 30-10-2012 05:30 PM
رواية سودانية جديده بعنوان( بين الموت والحب رصاصه) من تاليف عبدالرحمن الرشيد عبدالرحمن كمبالي منتدى القصص والحكايات 8 09-02-2012 07:07 PM
علاء علاءالدين عادل خوجلي المنتدى الإجتماعي 2 08-03-2010 10:34 PM
علاء علاءالدين عادل خوجلي المنتدى الإجتماعي 6 07-03-2010 01:24 AM


Loading...

Powered by vBulletin® , Copyright ©2000 - 2019, Jelsoft Enterprises Ltd. TranZ By Almuhajir
Tynt Script Added by Leicester Forum
HêĽм √ 3.1 BY: ! ωαнαм ! © 2010
Protected by CBACK.de CrackerTracker

Security team

 
جميع مواد النيل الازرق من صور ومعلومات محفوظة جميع الآراء و المشاركات المنشورة تمثل وجهة نظر كاتبتها فقط , و لا تمثل بأي حال من الأحوال وجهة نظر الشبكة والمنتدى .