.:: إعلانات النيل الازرق ::.

أهلا وسهلا بك إلى منتديات النيل الازرق السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
العودة   منتديات النيل الازرق السودانية > منتديات الأدب والفنون > منتدى القصص والحكايات

منتدى القصص والحكايات يختص بسرد القصص والروايات المختلفة

الإهداءات

إضافة رد
 
أدوات الموضوع انواع عرض الموضوع
قديم 22-11-2017, 01:28 PM   #1


الصورة الرمزية اسامة حسن محمد
اسامة حسن محمد غير متصل

بيانات اضافيه [ + ]
 رقم العضوية : 8428
 تاريخ التسجيل :  Sep 2010
 أخر زيارة : 22-11-2017 (02:47 PM)
 المشاركات : 1 [ + ]
 التقييم :  10
لوني المفضل : Cadetblue
افتراضي ملفات حلمان جدا



عرس كيت انا كنت مدعو ليه جاني اميل عديل قالو لي انت مدعو لعرس كيت وممكن تربح التذكرة وتشوف انجلترا وتحوم فيها وتحضر العرس قبال كده جاتني كم رسالة اني ربحت مريون مليون دورار مااشتغلت بيها علما اني ذاتي ماشاركت في مسابقة وقالو لي برضو في ايميل اني ربحت سيارة نوعها شنو ما مهم لكن المهم انو احول ليهم 1000 يورو عشان انا سعيد الحظ يعملو ليها بيها اجراءات الشحن من والي السودان ويا الكرين جاتك سيارة فاره علما اني برضو ما اشتركت معاهم في المسابقة دي ده غير الاميلات البتجي من افريقيا انا فلانه الفلانية ابوي كان تاجر شنو ما عارف واتوفي في الحرب الاهلية وانا هسي قاعدة في معسكر للاجي الحرب وعندي قروش بالهبل ما عارفه اوديها وين ممكن تشاركني الربح لكن عايزة لي 500 دورار عشان اجراءات التحويل وووو وانا فلان من جمهورية علان الاسلامية غير التلفونات البجيك من الربح السريع غايتو الحكاية طويلة ولما تكتب ليهم جيبي القروش واخصمي منها الدايراه ورسلي الباقي تزوغ وانا لاقي 500جنيه عشان 500 دولار المهم جاتني دعوة من جهة ما وقالو ليه انت فوزت بحضور زفاف كيت ووليام اها قلت المره دي انا الخواجات ديل ما بخزلهم تب مشيت البيت والموضوع مدور في راسي وعندهم علينا حق خصوصا انهم نظموا لينا مشروع الجزيرة ده قبل ما يلحق خراب سوبا وسوا لينا صرايات قمة في الروعة اكان نحنا ما استمتعنا بيها اهلنا وجدودنا شافوها وبرطعوا فيها وشافوا وشهدوا نظام تاني مابلقو اها غلبني النعاس والتفكير اشوف اني نزلت في بريطانيا ولبست جلابية ومركب نمري ناس مطار هيثرو كلهم يعانو فيه وسالوني قالو لي ده جبتو من وين قلته ليهم جبتو من هجليج اووه تايقر اي تايقر عديل كده وعندي سكين ضراع من جلد تمساح كركدايل قلعوها من في المطار وقالو لي لمن ترجع بنديك ليها قصد ت القصر لقيت الصيوانات مدقوقة ومزروبة زربة والضيوف دي ما تديك الدرب العالم كلها هناك قلته في نفسي كده والله الجماعة ديل مجامليين خلاص اشي عرب اشي امريكان اشي افارقة اسويين وهلم جرا لكن انا قلته انمشي علي صيوانات الاكل الناس ديل انا لازم اقيف معاهم وقفة رجال اكفي ضيفانن ديل الناس ديل ما شوية دخلت صيوان الاكل لقيت الخواجيات ديل اقطعن في الخضار قبلت علي خواجة عجوز كده قلت ليه التلج المشي ليه منو المهم قال لي كلام كده مافهمتو لكن عرفته انو في بكسي مخصصنو للتلج وقلته ليه لازم شفع الخواجات الحايمين في الصيوانات ديل املو الترامس مويه فل ما يخلو تيرمس فاضي قاللي اوكي – صفقت ايديه يا نسوان هوي ما القي لي واحدة قاعدة ساي الفطور ده لازم اطلع بدري في وزراء وبعثات دبلوماسية خاصة العرب كبار من سنة دو الواحد قاعد في الرئاسة 30 سنة وما بحمل الجوع ماشايفن رؤسانا ديل الوحد 50سنه قاعد في قلب شعبه ومال الانتفاضات ده سببها شنو طبعا كلامي ده بالانجليزي شبت لي واحدة قالت لي فطور ام العروس جاي من اسكتنلدا بي 50دفار والاكل ده ماسكاه هيلاري كلنتون امشي ليها قلته ليها بمشي اكان كلينتون ذاتو بمشي ليه وينها هيلاري دي – هديك في اخر الصيوان داك – تلبت الحلل لمن وصلتها ليها من ما شافتني مرقت بي تحت الصيوان بس جوني اتنين معضلين وقفوا قدامي –قلته ليهم انا ما عندي معاها مشكلة انا جاي اكفي الضيفان ديل ومعزوم ذيكم وليم بعرفني بعرف جدودي انا ود المهدي انا ود عثمان دقنه هع انا ود النجومي وعلي الطلاق هي جارية مني عشان شغالة فينا سف وقرش نحنا السودانين حرم مابهمنا زول انا ماني داير منها حاجة بس تجهز الفطور ده بدري-اه الجماعة ديل قويين خلاص دفروني لمن جيت في اول الصيوان مرقت زعلان واقف زنباره – الخواجات المابعرفوا العرض ديل – قبلت كده لقيت لي خواجيتين اقطعن في كيت – ها انت قايله شنو لقاها في انداية سعد الغافلات – الله رضيان عليها والله قالو ليك من حلة عرب ساي ملانة حشرات وضبان – جوطته ليك فيهن –شدن الشاي ده وغسلن الكبابي ديل وتمرنهن مالكن ومالها الانداية غريبة عليكن كلن بتاعت اندايات كان ربنا اداها وبقت اميرة دايرت تحسدنها – قومن علي حيلكن تقوم قيامتكن – انخلعن مني وقعدن يغسلن في الكبابي واحدة قالت ليها ده جاي من وين ده بس, مرقت زعلان مشيت افتش لي وليم ادخل من باب لي باب لقيت لي شافع كده قلته ليه انت ود منو اجني قالي لي انا ود فيلب اليزابث حبوبتي قلت ليه عارف لي وليم وين قال لي ما عارفه لكن حبوبتي قاعده في الغرفه ديك – مشيت علي الغرفه – نسوان يغسلن في صحانه بره - خشيت عليها – سلام حاجة اليزابث مبروك علي وليام انشاء بيت مال وعيال والله كنا جايين مجموعة لكن انت عارف الظروف الناس عيانين الفي المستشفي في المستشفي والفي الخلا في الخلا والسنة الناس ناويين علي القطن السنه دي قنطاره بقي بي الشي الفلاني – سلمت علي وقالت لي احي علي القطن واحي علي مشروع الجزيرة واحي علي وليم امه الما حضرت جديدو وانفقعت بكاء انا انفقعت معاها وكل يبكي علي ليلاه – يا حاجة استغفري استغفري – قشت دموعها بي طرف توبها – وقالت لي ياولدي وليم وقع وقعت السواد ده نسب – خالها تاجر مخدرات وخالتها رقاصة - والفطور الجايباه امها 10 دفارت بس نحنا دافعين 30 مليون دولار للفطور بس – انا بلعت ريقي مرتين وقلتها ليها – يا حاجة السترة والفضحية متباريات – عليك الرسول كلامك ده ما تقوليه وانتو عندكم ضيفان - ماكملت كلامي تطلع واحدة من الكانن بغسلن في الصحانة – وغارت في حاجة اليزابث - هوي يا حاجة احترمي كبرك ده يمين كيت بت العز لي حدو يمين ما جينا شحدناكم ولدك جري وراها وكان خالها تاجر مخدرات يمين المخدرات في قصرك ده والفطور الجباه ليكم يمين الدول الاسكندانافيه كلها تتكلم بيه – انا وقفت بين النسوان واسوي ليهم كفي كفي –الديوان الجنبكم ده في ضيوف – خلاص امره خلاص اقصري كلامك ده والمره كبيرة وعندها سكري وضغط انت ما عندي وليان اهدوك –المهم اتناضمن زين ( طبعا ده كلو بي الانجليزي )– اه المره دفرتها مرقت – قبلت علي اليزابث وقلت ليها دي مني دي – دي واحدة بايرة من اهل ام سويقات دي –قلته ليها كدي خلينا وليم وين والله فيلب الوضع ده انا مو عاجبني اول حاجة الوزراء الافارقة ديل لسه ما فطروا والعرب ديل قالوا عايزين كبسه البيتزا دي مابتنفع معاهم وما عايزين جبنه دانماركية - اليزابث قالت لي –وليم مشي للمفعوصة دي في الكوفير –وفيليب معاهو البابا بتاع الفاتيكان – وانا يمين اهل العروس الشايلين الفطور ما امرق عليهم – والعرب ديل قوليهم نحنا البتزا دي صوتنا عليها كل الشعب – قول ليهم- انتو اصلكم مابتتغيروا – اهي في اللحظة ديك المره بتاعت الشكله المعاها ذكرتها نبيشه حارة ونبذه بس جات داخله – اسمعي اكان انت بتنبذي اهل كيت وليم ده امه ماتت وين وسببها شنو – بس انا اقوم ليك عليها يابت الله يلعنك والعن الجابوك ده كلام تقوليه ماعندك ادب – بس في اللحظة ديل اشوفك ليك اليزابث قايمه من سريرها وشايلها شبشبها الكعب العالي وتعاين للمره وفووووووووووووووووو فكته بالشبشب الشبشب يجلي من المره ويجيني انا في نص راسي تسمع كع اتلب من السرير القي روحي في الواطه حسبي الله – الصلاة خير من النووووووووووووووووووووووووم الله اكبر الله اكبر لا الله الا الله ,


 


رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملفات, حلمان

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مستعرض ملفات اكسل valabji منتدى الكمبيوتر والانترنت 4 11-12-2014 02:31 PM
Swish max - ملفات مفتوحه ,, Nasma منتدى التصميم والجرافيكس 22 07-10-2013 02:26 AM
بالله الواحد كل يوم حلمان بالعرس مرسال الشوق منتدى الشمارات 14 18-04-2013 02:59 PM
ملفات سويش لعيونكمـ ^_* صمت المشاعر منتدى التصميم والجرافيكس 10 06-04-2012 03:43 PM
ملفات سويشيه مفتوحه فتى بدع زايد منتدى التصميم والجرافيكس 7 13-08-2008 03:00 PM


Loading...

Powered by vBulletin® , Copyright ©2000 - 2019, Jelsoft Enterprises Ltd. TranZ By Almuhajir
Tynt Script Added by Leicester Forum
HêĽм √ 3.1 BY: ! ωαнαм ! © 2010
Protected by CBACK.de CrackerTracker

Security team

 
جميع مواد النيل الازرق من صور ومعلومات محفوظة جميع الآراء و المشاركات المنشورة تمثل وجهة نظر كاتبتها فقط , و لا تمثل بأي حال من الأحوال وجهة نظر الشبكة والمنتدى .