.:: إعلانات النيل الازرق ::.

أهلا وسهلا بك إلى منتديات النيل الازرق السودانية.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
العودة   منتديات النيل الازرق السودانية > منتديات الأدب والفنون > منتدى الشعر

منتدى الشعر خاص بكافة أنواع وضروب الشعر ( يسمح بالمنقول ) ،

الإهداءات

إضافة رد
 
أدوات الموضوع انواع عرض الموضوع
قديم 20-02-2015, 01:02 PM   #1
مـشـرف مـنـتـدى الـطـب والـصـحـة



الصورة الرمزية دكتور كمال سيد الدراوى
دكتور كمال سيد الدراوى غير متصل

بيانات اضافيه [ + ]
 رقم العضوية : 19820
 تاريخ التسجيل :  Nov 2014
 أخر زيارة : 17-11-2018 (11:47 PM)
 المشاركات : 1,812 [ + ]
 التقييم :  2502
 الدولهـ
Sudan
 الجنس ~
Male
لوني المفضل : Cadetblue
افتراضي الشعر الحلمنتيشى



الشعر الحلمنتيشي شعر فريد وساخر لكنه محبب وقريب الى النفس لانه يحكي عنها وعن مايجيش في دواخلها

محمد الجاك الصراف,, المتشعلق بن المنبرش
هذا الرجل الاصيل نتمنى منة مزيدا من العطاء
ونتمنى لة عمرا مديدا سعيدا ’’

ففى قصيدتة هذة
والتى ينعى فيها نفسة وهو حى يرزق ( حليل خالك يا عز الدين )

نجده يبحر بخياله الظريف ,, الخيال الريفى الجميل


قصيدة جميلة لشاعر الحلمتيش
محمد الجاك الصراف
المعروف بإسم
المتشعلق بن المنبرش


....................

حــلـيل خــالك ...!





الدُّخـْرِى يا ود اختِـى عِـز الدين
بآكـر تزور بيتنا وتشوف صورتى
وتقول : حبوبه ديييك صورة مِـنـُو الملصـُوقـَه فى الحيطه ؟ ! ...
يقولوا ليك : دى صورة خالك آ ولدى ... حليل خالك ! ...

أكان زولاً بشد الحـيل
يونسنا وكلامو لذيذ ... عديل بلحيل ....
كتير الناس تقول مجنون .. وما مجنون ...!
فى شيتاً جُـوّه فى قلبو يزاول ليهو حَامِى النـوم
يبـرِّم فى سبيب راسو ويساهر لى هوايد اللـيل

يقوم من نومو ضربة ديك
يفوت من بيتو بى ِريقـو زى الضيف
يشيل مُحْجَانو فى كتفو ..
وِيطـُـب مُخـْلاتـُو فى باطو..
وِيفارق الحله مستعجل مع هبة نسايم الصيف
وحفيان ساى ! .. يبارى القيف
يضُـرب الغابه وِتـْوَكـَّـر.. يحـِتْ فى ( السـّعَـفـه و العـُـلـّيف )

يهـز شـدراً فروعـو حديد
ولمّا العين تكون شافت قريب وبعيد ,
بهايم الحله تتوجه عشان ما تاكـُل المحتوت ..
يعاين ليها وِتـْبسم .. وما يحاحيها .. يمشى يفوت
حشاهُـو ضَـمرْ تقـول عجلاً مكـَدَّن فى الوِتِـد مربوط
بعد ماتـْغيب يقوم يرجع .. . يجيب نبقـاً تقول ياقوت

مغـسـَّـل بى دموع الحـُور ..
معلـّق فى رِقيبة السمحه فى البنوت
يخـُتـُّـو حداهـُو وِتـْـلـفــّتْ .. وجيهـو حزين ..
بدل مايقول بدور آكل .. يقول بس نادوا عز الدين
حليل خالك ... !

أكان زولاً بريد الجوطه والحفلاتْ
محل مايسمع النـّقره ,
يخت طاقيتو فى راسو
ويشيل طمبورو فى ايدو
وِيدِجْ حفيان برا نعلات...
دلاليك العرس داقات ...

ريحة المحلب المخلوط مع الصندل ...
حنة ملخوخة فى طاسات..
ضـريرتاً ماليه خشم ( الحـُق) ...
وام العريس مشغوله بس بالدخله والمرقه
وبنات عم العريس واقفات
يسالمن ديل ... ويعزمن ديل .. ويجاملن ديل ...
وشايلات جرتقاً ما غـَشْ !
خرز منضوم مع اللولى ..
وهلالاً زى هلال شوال .. حرير يلمَعْ !
زغاريت البنات طاقات ..

عريس بالفرحه داير انشق ..
محصن نفسو بى ياسين
وجايبين ليهو عضم الحوت
ومالى ضراعو بالحجبات ..
حجاب جلادو ( ود فراج ) .. غـليد وَاحَمَـرْ ..
مَـتقــّـله بطنو بالآيات

وهـاك يا زغبره وْجـُوطه ..
وناس داخلين وناس مارقين
وناس قاعدين وناس واقفين
وناس نايمين وناس صاحيين
وناس ضاحكين وناس باسمين
وناس رايقين وناس جايطين
وضيفاً جا وضيفاً فاتْ ..

وخالك منسى فى طرف الصريف واقف ..
لا زولاً يقولـُّو أمش ..
ولا زولاً يقولـُّـو تعال ..
دموعو تسيل مطر صابـّات
طبق طمبورو قبـّـل صاد
وجاك راجع .. يغنى ليك ..
غـُنـَاهـُو حزييييين ......
غـُناياً يبعث الميتين
حليل خالك ..!

عمار الدنيا مهما زاد , مصيرو زوال
تـُرُبـْتـَا الـزول تنادِيهـُـو
وعـُمر الزول تتم ايامُـو مهما طال
وخالك كان اظن عارف سنينو قلال ..
وناجع ديما فوق سيقانو ودّر عمـرو بالترحال
عصاتو (سَلـَم ) .. شرابو سموم
قـدُرْ ما يزيد عليهو الجـوع , يقـرِّط ( تِكـّـة ) السروال

دريبو وَعَـرْ مـلان بالشـوك
كِضِـبْ كان قـالو كـاس لـي نعـال !
هو خالك خال ؟! ..
دا من جـِنـُّـو .. يسافر فى الفيافى بَـرَا ..
وشاغل بالو سك الصيد ..
مخلى قليبو ناسى ورا ..

ضلام الدنيا فى عيونو ويفتش لى منابع النور
لسـانو انسـل ..
ريقـو فـتيت ..
وسـاكن ديمه فى العَـتـْمُـور ..
مشـَرِّك للغـزال بالخيت ..
وزارع فى الاراضى الـبور ..
دا قمحان من بنات آدم
وراجـى يمـوت يهاجـر لى بنات الحـور ..
حـليل خـالك ..!

وآآآآخــر عـمرو يا ولـدى ..
مرض مرضـاً ..!
مرض مرضـاً ..!
مرض مرضـاً ..!
.. رقد خـالك تلاته سـنين ..
وكـُلّ الشافتو تسكلج ..
تقـول : كـُـر.. كـُـر .. دا ما بـِحيَا .. !

ومـلك يامـين يقـول يامـييين ..!
كتير البطـّـل الشغله وقعد حرسو ..
يشـهدو فـيهو بالتلـقين
وكم كم مره جـبنا المـويه فى القـرعه
عشـان ما نـْغـَـمـِّد العـينين

ومـاتن تب اديـَّاتـُو
جـلد ملصـوق على عضـامو
وْحَـطب مدّاهِـن الكـُرعـين
وجبنا (حَنـُوطنـَا ) للتجهيز
بقينا نعد ضليعاتو

ونقول : يا الروح سكونك وين ؟!
لقينا الروح تطق مسجونه فى الحلقوم
مربـّطه بى سلاسل (كـُنْ )..
وطايعه الواحد القيوم ..
تقول : يارب ..
متين امرق .. متين امرق .. متين امرق

ونحن قعدنا فى ( الدلجه ) وحرسنا (ايوب)
شهور وشهور ... بقينا ( سُـقـُد )
وما ضاقت عيونـَّا النوم ..
وكل الحله منكسره ومجاملانا :
ناس ( التايه بت منشار)
وبت حمدون
بنات طه .. وبنات التوم
واخوات كمال الدين ..
عمتك كلتوم
وبت حاج احمد ( السـُرّه )
وبنات طيبه
وبخيته الرايقه بت جادين ..

دموعن بلــَّنْ الواطا .. وتيابـِن جَرْجَرَنْ دمـُّـور ..
وحزنانين على خالك ..
عشان خالك قليبو حنين ..
وشال فى كتفو هم الناس ..
يشيل ويردُم
يشـيل ويردُم

ويدس فى همـو فى قلـبو
ويقاسى براهو حر النار
دا شيتاً مابْـتشوفو العين
وهمـُّـو كِـتِرْ ..
وقلبو انقد يوم العيد

وخالك مات ..
مـات ماضـاق العـديل والـزين ..
حـليل خـالك ..
حـليل خـالك يا عـزالدين ..!!








 


رد مع اقتباس
قديم 05-03-2015, 01:52 AM   #2
مشرف منتديات الأدب والفنون

الصورة الرمزية مكي جاروط
مكي جاروط غير متصل

بيانات اضافيه [ + ]
 رقم العضوية : 12107
 تاريخ التسجيل :  Oct 2011
 أخر زيارة : يوم أمس (11:40 PM)
 المشاركات : 3,516 [ + ]
 التقييم :  107
 الدولهـ
Sudan
 الجنس ~
Male
 MMS ~
MMS ~
لوني المفضل : Cyan
افتراضي



يا الله

هي الروعة بعينها

تقف مشدوهة

تنده في بنوت الحله الفوق

ربنا يسعدك

ودي و تقديري

حفظك الله


 
 توقيع :
أزرع كلمة جميلة تكن تاريخا لك في هذه الدنيا
الفانية


رد مع اقتباس
إضافة رد

مواقع النشر (المفضلة)

الكلمات الدلالية (Tags)
الحلمنتيشى, الشعر

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الشعر الجاهلي parlopy منتدى الشعر 0 24-02-2013 08:53 PM
الشعر الحلمنتيشى ملكة القلوب منتدى الشعر 7 17-12-2012 08:02 PM
من الشعر الشعبي سليم الذوق منتدى الشعر 5 19-09-2012 11:05 AM
تقنيه الشعر killeeeer المنتدى العام 11 22-03-2010 07:12 PM
عجائب الشعر alwalied الخواطر ومأثور الكلمات 3 23-01-2009 11:10 PM


Loading...

Powered by vBulletin® , Copyright ©2000 - 2018, Jelsoft Enterprises Ltd. TranZ By Almuhajir
Tynt Script Added by Leicester Forum
HêĽм √ 3.1 BY: ! ωαнαм ! © 2010
Protected by CBACK.de CrackerTracker

Security team

 
جميع مواد النيل الازرق من صور ومعلومات محفوظة جميع الآراء و المشاركات المنشورة تمثل وجهة نظر كاتبتها فقط , و لا تمثل بأي حال من الأحوال وجهة نظر الشبكة والمنتدى .